Kim Chiu and sister Lakam unfollow each other on Instagram
Netizens are asking why Kim and Lakam unfollowed each other on Instagram.
Speculation is rife that Kim Chiu (left) and sister Lakam Chiu (right) are going through a rough patch following Kim’s cryptic life update on Instagram.
PHOTO/S: @tontonsoguilon / @kamchiu Instagram
Tila may alitan si Kim Chiu at ang nakatatandang kapatid nitong si Lakam Chiu.
Ito ang usap-usapan ng netizens matapos mapansin na naka-unfollow na sila sa isa’t isa sa Instagram.
Nang tingnan ng PEP.ph (Philippine Entertainment Portal) ang IG aacounts nina Kim at Lakam, nakumpirmang hindi na nga sila naka-follow sa isa’t isa.
KIM CHIU HAS A CRYPTIC POST
Napuna ito ng netizens matapos maglabas si Kim ng life update sa kanyang Instagram noong August 4, 2025.
Ito ay video ng pag-a-unwind ni Kim, kasama ng kapatid na si Twinkle at asawa nitong si Carlo Suarez.
Makikita sa video na nasa isang bahay sila kasama ng mga pamangkin ni Kim.
Simpleng kainan at bonding ang ginawa nila roon.
Nilagyan iyon ni Kimmy ng text na “Alt+F4ing reality for a sec. It’s been a ride lately, not the fun kind.”
Ang Alt+F4 ay shortcut key para isarado ang application window sa isang Windows-based system sa laptop.
ADVERTISEMENT – CONTINUE READING BELOW ↓
May caption pa ang IG post ni Kim na “Didn’t expect it. Didn’t prepare for it. Just needed this moment to breathe.”
Makahulugan ang mga salitang ginamit ni Kim, at mahihinuhang may pinagdadaanan siyang matinding problema.
NETIZENS THINK IT’S A FAMILY ISSUE
Sa comments section, mabilis na nagbahagi ng espekulasyon ang mga masugid na tagasubaybay ni Kim.
Suspetsa nila, may kinalaman kay Lakam ang iniinda ni Kim.
CONTINUE READING BELOW ↓
NOOD KA MUNA!
Marami ang umaasang magkakaayos din ang magkapatid, lalo pa’t hindi kailang lubos na malapit ang dalawa.
Si Lakam ang namamahala sa ilang franchise business ni Kim.
Normal lang naman daw sa pamilya ang magkaroon ng di pagkakaunawaan.
ADVERTISEMENT – CONTINUE READING BELOW ↓
May mga nagpadala pa ng mensaheng nagsasabing ipagdadasal nilang maresolba kung anuman ang pinagdadaanan ni Kim.
Noong June 16 ay magkasama pa sina Kim at Lakam nang ipagdiwang nila ang Father’s Day kasama ng amang si William Chiu.
