Vice Ganda: “I would like to apologize. Mali yung tanong.”
Vice Ganda apologizes over “Laro Laro Pick” segment major booboos: “Buong-buong pagpapakumbaba po akong humihingi ng paumanhin sa inyo sa mga pagkakamaling ito. Ito ay gawa na ng katarantahan o kung anuman, but still it’s not acceptable. I am very, very sorry.”
PHOTO/S: It’s Showtime YouTube
Pinuri ng maraming netizens si Vice Ganda dahil maayos nitong naitawid ang mga aberyang nangyari sa segment ng It’s Showtime na “Laro Laro Pick.”
Sa live presentation ng noontime show ngayong Sabado, September 13, 2025, ang mga naglaro sa segment ay water delivery riders, street vendors, at dishwashers.
Kasama rin nilang naglaro ang ilang co-hosts ng It’s Showtime.
Unang nagkaaberya sa pagpili ng maglalaro sa jackpot round mula sa apat na natitirang contestants.
Ang natirang apat na nag-advance para pagpilian sa jackpot round ay sina Karylle, Teddy Corpuz, ang dishwasher na si Kath, at ang delivery rider na si Bunso.
Photo/s: It’s Showtime on YouTube
ADVERTISEMENT – CONTINUE READING BELOW ↓
Apat na maliliit na mesa ang inilagay sa harapan ng apat kung saan pinatungan ito ng apat na powder sprays.
Ang makakakuha ng spray na may ibubugang pink na powder ang maglalaro sa jackpot round.
Tatlong powder sprays ang nagbuga ng blue powder, habang ang hawak na spray ni Teddy ay hindi gumana.
Iyon ang naglalaman ng pink powder.
Idineklara ni Vice na ulitin ang resulta dahil hindi lumabas ang pink powder.
CONTINUE READING BELOW ↓
Nagkaroon muna ng maikling break upang mapagdesisyunan kung paano sila pipili ng winner.
Pagbalik ng It’s Showtime sa ere, may apat na lightsticks na nakatusok sa mesa. Ang makakabunot ng pinakamahabang lightstick ang maglalaro sa jackpot round.
At ang masuwerteng nakakuha nito ay ang si Kath na mula sa Bulacan.
Isa siyang dishwasher na kumikita raw ng PHP1,500 isang linggo o PHP6,000 kada buwan.
CONTINUE READING BELOW ↓
Michael V., nag-a la Joel Lamangan at Ishmael Bernal | PEP Hot Story
THE QUESTIONABLE JACKPOT ROUND QUESTION
Si Kath ay humagulhol nang husto matapos masuwerteng makaabante sa jackpot round.
Kasalukuyan daw kasing naka-confine ang lola niya sa isang public hospital.
Laro Laro Pick jackpot contender “Kath” from Bulacan.
Ang jackpot prize para sa araw na ito ay nagkakahalaga ng PHP600,000.
ADVERTISEMENT – CONTINUE READING BELOW ↓
Kapag pinili ng contestant ang Pot ay kailangang sagutin niya ang jackpot question.
Kapag tama ang sagot ni Kath ay maiuuwi niya ang pot money. Pero kapag mali naman ang sagot niya ay wala siyang mauuwing pera.
Sa huli, pinili ni Kath ang alok na PHP50,000.
Matapos pinili ni Kath ang PHP50,000, binasa ni Vice ang jackpot question sana para sa kanya.
Sabi ni Vice: “Ito ang tanong namin para sa iyo. Baka alam rin ng mga nasa bahay at ng Madlang People.
“The question is… Ito ay naituro sa atin sa school, grade school pa lamang. ‘Ano ang alias…’ May alam ka ba sa kasaysayan ng Pilipinas?”
Sagot ni Kath, “Ay, wala.”
Pagpapatuloy ni Vice: “Ito ay may kinalaman sa kasaysayan ng Pilipinas. ‘Ano ang alias o pen name ng bayaning si Gregorio del Pilar na mula sa binalasang mga letra ng kanyang apelyido?’
“Ano ang alias o pen name ni Gregorio del Pilar, alam mo ba? Hindi mo alam. Sinong nakakaalam?”
ADVERTISEMENT – CONTINUE READING BELOW ↓
Napansin ng ilan sa audience na mali ang tanong, at napagtanto rin ito ni Vice.
Sabi ni Vice, “What? I am just reading the question na nasa… Okay.”
Baling ng TV host-comedian sa staff: “Hay, kayo talaga. Mali ang nasa question.”
Sabi ni Vice kay Kath: “Buti na lang talaga hindi mo pinili ito dahil magkakagulo-gulo na naman tayo.
“I would like to apologize. Mali yung tanong.
“Ang tamang tanong ay… Kasi binabasa ko lamang po, pero ang tamang…
“Ang tanong na nakalagay sa binasa ko ay: ‘Ano ang alias…’
“Para na akong hihimatayin… ‘o pen name ng bayaning si Gregorio del Pilar na mula sa binalasang mga letra ng kanyang apelyido?’
“Ang nais naming tanungin sana ay… kasi ang nakalagay na sagot dito ay Plaridel.
“Pero hindi natin masasabing tama ang Plaridel kung mali ang pangalang tinutukoy.
“Tama, hindi alias ni Gregorio del Pilar ang Plaridel. Tama? Dahil ang Plaridel ay alias ni Marcelo del Pilar.
ADVERTISEMENT – CONTINUE READING BELOW ↓
“Humihingi po ako ng tawad sa inyong lahat. Mali.”
Dahil sa kanilang pagkakamali ay inanunsiyo ni Vice kay Kath na dadagdagan niya ng PHP50,000 ang premyong maiuuwi niya.
Aniya: “Gayunpaman, buti na lamang talaga at hindi mo pinili ang ating ano…
“Dahil sa pagkakamaling ito, ang fifty thousand mo gagawin ko nang one hundred thousand pesos.”
ADVERTISEMENT – CONTINUE READING BELOW ↓
Sobrang ikinatuwa ni Kath na nadoble pa ang kanyang pera.
Dagdag ni Vice: “Baka nga rin inadya ito ng tadhana na magkamali. Para kailangan naming bumawi.
“Baka mas kailangan mo ng mas malaki kaysa sa fifty thousand pesos.
“I will give you one hundred thousand pesos instead of fifty thousand para sa lola mo at sa mga pangangailangan mo.”
Sabi naman ni Kath: “Salamat po, Meme. Grabe po talaga.
“Loding-lodi po kita mula nun, Meme. Yung transformation niyo po talaga kitang-kita ko po. Kayo po ay isa sa hinahangaan ko po talaga.”
Muling humingi ng dispensa si Vice bago mag-commercial break.
Aniya: “Maraming-maraming salamat sa suporta niyo. Maraming salamat sa inyo, Madlang People.
“At again, ako po, sa ngalan po ng buong programang ito ay gustong humingi ng tawad sa aming mga pagkakamali at pagkukulang sa araw na ito.
“Buong-buong pagpapakumbaba po akong humihingi ng paumanhin sa inyo sa mga pagkakamaling ito.
ADVERTISEMENT – CONTINUE READING BELOW ↓
“Ito ay gawa na ng katarantahan o kung anuman, but still it’s not acceptable.
“I am very, very sorry. Hiyang-hiya po ako sa inyo.”
NETIZENS PRAISE VICE
Bumuhos naman ang papuri ng netizens kay Vice sa maayos niyang pagtimon sa segment kahit major na matatawag ang dalawang pagkakamali nila sa programa.
Ayon sa isang netizen sa X: “Grabe si Memeeee! Kahit sobrang stress pagod at mga pag kakamali sa show naging Possitve parin sya at nahahandle parin ng Tama! At nakapag bigay pa ng 100k! Mahal na mahal ka namin Memeee”
Grabe si Memeeee! Kahit sobrang stress pagod at mga pag kakamali sa show naging Possitve parin sya at nahahandle parin ng Tama! At nakapag bigay pa ng 100k!
Mahal na mahal ka namin Memeee@vicegandako#ShowtimeTYLSabadoNa pic.twitter.com/7CArTOWRUi— Carl Castro (@CarlCastro_) September 13, 2025
ADVERTISEMENT – CONTINUE READING BELOW ↓
Sabi pa ng isa, “I hope na matularan yung isa dyan na host na laging namimihiya ng LIVE. alam niyo na kung sino. si mr. jacket.“
I hope na matularan yung isa dyan na host na laging namimihiya ng LIVE. alam niyo na kung sino. si mr. jacket.#ShowtimeTYLSabadoNa pic.twitter.com/PvUqqvs39z
— carljun ✨ • THIRTEEN DAYS ’til LYKN in MNL 🐺 (@justbbangkyu) September 13, 2025
Ayon sa isa pa: “While may malfunction sa segment, applause kay Meme Vice imagine buong duration ng show nag-iisip ng jokes, singit ng political punchlines, life lessons, then focus sa game flow. VG is the epitome of modern hosting. Grabe comprehension. Grabe ang integrity.“
ADVERTISEMENT – CONTINUE READING BELOW ↓
While may malfunction sa segment, applause kay Meme Vice imagine buong duration ng show nag-iisip ng jokes, singit ng political punchlines, life lessons, then focus sa game flow. VG is the epitome of modern hosting. Grabe comprehension. Grabe ang integrity.💋#ShowtimeTYLSabadoNa
— FanGirl (@PressFreedomPHi) September 13, 2025
Dagdag ng isa: “Another instance where Meme Vice’s leadership kept the show afloat. If she wasn’t there, the other hosts might’ve just let it slide. Big applause for how Meme handled the situation—truly the heart of Showtime”
Another instance where Meme Vice’s leadership kept the show afloat. If she wasn’t there, the other hosts might’ve just let it slide. Big applause for how Meme handled the situation—truly the heart of Showtime. 🙂↕️✨#ShowtimeTYLSabadoNa
— macchiato. (@espresso39_) September 13, 2025
ADVERTISEMENT – CONTINUE READING BELOW ↓
Komento ng isa: “Lahat na ng kamalasan nangyari sa Showtime ngayon: Natumba yung cameraman, Walang lumabas na pink powder sa spray, Mali yung tanong sa jackpot round Nakakaloka!!!“
