reacts to Barbie-Jameson rumored relationship
Barbie and Jameson were spotted holding hands at the GMA Gala 2025.
Jak Roberto (left) on (right photo) Barbie Forteza and Jameson Blake’s growing closeness: “Oo, bagay. Bagay. Tsaka it’s about time.”
PHOTO/S: Donjo Donato/Troy Ang of PEP.ph
Masaya si Jak Roberto sa itinatakbo ng buhay pag-ibig ngayon ng kanyang ex-girlfriend na si Barbie Forteza.
Nauugnay ngayon si Barbie sa Kapamilya actor na si Jameson Blake, makaraang mapansin ng kanilang mga tagahanga ang madalas nilang pagsasama at pagiging malapit sa isa’t isa.
Ito’y kahit kapwa itinanggi ng dalawa na may espesyal na namamagitan sa kanila.
Sa GMA Gala 2025 na ginanap sa Manila Marriott Hotel sa Pasay City noong Sabado, August 2, 2025, naispatan muli sina Barbie at Jameson na magkasama at magka-holding hands.
Nasaksihan ng PEP.ph (Philippine Entertainment Portal) ang pagiging close at kumportable sa isa’t isa nina Barbie at Jameson.
Magka-holding hands while walking ang dalawa sa loob ng ballroom.
Maging sa paglabas ng hotel ay kapansin-pansin ang hindi pagbibitaw ng mga kamay ng dalawa.
ADVERTISEMENT – CONTINUE READING BELOW ↓
Barbie Forteza and Jameson Blake inseparable at the GMA Gala 2025 and are showing more sweet moments together.
Photo/s: Troy Ang
Kabilang din si Jak sa Kapuso stars na present sa GMA Gala 2025.
Jak Roberto stands out as one of the most dashing gentlemen at the GMA Gala 2025.
Photo/s: Donjo Donato of PEP.ph
5Ayon sa report ni Nelson Canlas ng 24 Oras nitong Martes, August 5, mismong si Jak daw ang nagkumpirmang nagkita sila ni Jameson sa taunang selebrasyon ng GMA Network.
Mismong ang Kapuso actor daw ang lumapit sa Kapamilya actor para batiin at kausapin ito.
Naging madali raw ito para sa dalawa dahil hindi naman ito ang una nilang pagkikita at pag-uusap.
Unang nagkrus ang mga landas nina Jak at Jameson nang maging hurado sila sa segment na “Sexy Babe” ng It’s Showtime noong February 13, 2025.
Noong mga panahong iyon ay hiwalay na sina Jak at Barbie.
Jak Supports Barbie and Jameson’s Growing Closeness
Dahil sa pagiging malapit nina Barbie at Jameson ay hindi maiwasang tanungin si Jak kung ano ang pakiramdam niya bilang dating nobyo ng Kapuso actress.
“Oo, bagay. Bagay [sila]. Tsaka it’s about time,” nakangiting saad ni Jak sa panayam niya sa 24 Oras.
ADVERTISEMENT – CONTINUE READING BELOW ↓
Pag-amin pa ni Jak, nakapag-usap na sila nang masinsinan ni Jameson at naibilin na raw niya rito si Barbie.
Aniya, “Alam mo si Barbie, sabi ko kay Jameson, kung ready ka na—kasi may mga deep talks kami ni Jameson—sabi ko sa kanya, ‘Mabait si Barbie. Alagaan mo lang.'”
JAK-BARBIE BREAKUP
Noong January 2, 2025, nag-post si Barbie sa Instagram upang ipaalam sa publiko ang pagtatapos ng pitong taong relasyon nila ni Jak.
Sa kanyang madamdaming post, mahihinuhang tila walang sama ng loob si Barbie sa paghihiwalay nila ng aktor.
Pinuri pa ng aktres ang dating kasintahan nang sabihin nitong naging masaya siya sa kanilang naging pagsasama sa loob ng mahabang panahon.
Sinimulan ni Barbie ang kanyang breakup announcement sa pamamagitan ng isang quote mula sa American children’s author na si Theodor Seuss Geisel a.k.a. Dr. Seuss.
ADVERTISEMENT – CONTINUE READING BELOW ↓
Bungad ng Kapuso actress, “’Don’t cry because it’s over. Smile because it happened’ – Dr. Seuss.”
Kasunod nito ay ang pagbabalik-tanaw ni Barbie sa seven-year relationship nila ni Jak.
Papuri ng aktres sa dating nobyo: “Having you in my life was the happiest I had ever been. Seven wonderful years. A lot of laughs, a lot of ramen and so much love.
“Your love was exceptional.
“But sometimes, good things fall apart so better things can come together.
“Beautiful goodbye, @jakroberto”
Dagdag pa ni Barbie, “Thank you for loving me the way you did. I am excited for what’s to come for the both of us. You take care of yourself. May you find the love you deserve.
“I hope for everyone’s understanding and I wish you can help us put this matter to rest.”
Barbie and Jameson: WHAT IS THE REAL SCORE?
Ano nga ba ang dahilan ng closeness ngayon nina Barbie at Jameson?
Sa panayam ng PEP sa Kapuso actress noong July 28, 2025, ay hindi inamin ni Barbie ang estado ng relasyon nila ni Jameson.
Sa halip, ikinuwento lang nito ang activities na sabay nilang pinagkaabalahan at ine-ejoy. Isa na rito ang pagtakbo at pagsali sa mga fun run.
Saad ni Barbie, “Basta ano, masaya siyang kasama kasi, he’s into running also.
“Actually, aside from him, marami naman akong sinasamahang tumakbo, like si Kyline [Alcantara].
“Ayoko naman siyang i-single out sa mga nakakasama kong tumakbo.”
Noong June 2025 nagsimulang umugong ang ugnayan ng dalawa matapos silang makitang magka-holidng hands sa isang running event sa Pampanga.
