Kasintahan pa rin ba ni Kylie Padilla, 32, ang non-showbiz guy na madalas nakikitang kasama niya?
Ito ang palaisipang iniwan ni Kylie nang makapanayam siya ng PEP.ph (Philippine Entertainment Portal) tungkol sa kanyang lovelife.
Kinumusta muna ng PEP ang relasyon nila ng nobyo na kilala ng publiko bilang “Tattoo Guy.”
“Ah, si Tattoo Guy. We dated, yeah, we dated,” kaswal na pag-amin ni Kylie.
Dahil “we dated,” tapos na sila?
“Secret,” natawang pag-iwas ni Kylie.
Dahil hindi direkta ang kanyang sagot, hindi mawari kung sila pa rin ng non-showbiz boyfriend niya.
KYLIE PADILLA AND TATTOO GUY TIMELINE
Hindi man pinangalanan ni Kylie ang sinasabi niyang “Tattoo Guy,” hindi kaila na mula 2022-2024 ay may mga pagkakataong nakikita ng netizens na kasama ni Kylie ang tattoo artist na kinilalang si Jinno John Simon.
December 2022 nang mag-post si Kylie ng Instagram Reel tampok ang pamamasyal niya sa Thailand kasama ng isang lalaking puno ng tattoo sa arms at legs.
ADVERTISEMENT – CONTINUE READING BELOW ↓
Inamin din ng aktres na non-showbiz guy ang kanyang “partner,” at ine-enjoy na nagagawa niya ang mga ordinaryong bagay na ito.
KYLIE PADILLA BUSY RAISING KIDS
Pero sa latest interview ng PEP ay umiwas pa rin si Kylie na magdetalye sa kanyang lovelife.
Masasabing in love ba siya ngayon?
“Okay naman,” maiksing sagot lang ni Kylie.
Sabay pag-iba niya ng usapan, “Pero masyadong busy ang buhay na dalawang bata ang pinapalaki ko.”
“Mother and father” daw ang peg niya.
Aniya, “I think, busy na ang buhay ko sa pagpapalaki sa kanila but I’m grateful.”
CONTINUE READING BELOW ↓
We put SARAH G to the test: Does she remember her past projects? 🧠🎬 | PEP Challenge
Nilinaw naman ni Kylie na “co-parenting” pa rin sila ng estranged husband na si Aljur Abrenica.
Pero nasa poder daw niya ang dalawang anak na sina Alas at Axl.
“Sa akin talaga. Ang mahirap lang, balancing work and mother role, pero kaya yan.
“Si Alas, feel na niya na kuya siya. Very protective kay Axl.
“Pilyo si Axl, e. Ganun ang dynamics nila.”
KYLIE PADILLA ON DAD ROBIN PADILLA
Sa kabilang banda, natanong din si Kylie tungkol sa amang si Senator Robin Padilla.
Kamakailan lang ay nabatikos si Robin na nag-sponsor ng Movie and Television Review and Classification Board (MTRCB) Act na ipinasa ng Senado.
Umalma ang iba-ibang grupo ng artista, director, producer, screenwriters, at ibang stakeholders sa entertainment industry dahil sa pagpapalawak ng kapangyarihan ng MTRCB.
Sa halip na itaguyod ang “self-regulatory” guidelines sa content sa film, TV, at streaming platforms, lumalabas sa updated guidelines ng MTRCB Act na may kaakibat itong “censorship” at pagsikil sa freedom of expression.
ADVERTISEMENT – CONTINUE READING BELOW ↓
Kasunod nito ay marami ang kumuwestiyon kung bakit mismong mga senador na galing entertainment industry, tulad ni Robin, ang nanguna sa panukalang iyon.
Hindi nabanggit kay Kylie ang partikular na isyu tungkol sa MTRCB Act.
Pero nang tanungin kung ano ang reaksiyon niya kapag naba-bash ang ama, ang sagot ni Kylie: “Siyempre, tatay ko yun.”
Paliwanag pa ng Kapuso actress: “Before he became politician, he’s an actor, he’s my dad first.
“Siyempre, I do feel for my dad. Kaya sinasabi ko sa kanya, ‘Pa, kumusta ka? Kaya mo pa ba? Is there anything you need?’
“Magaling yung tatay ko na mag-focus sa isang bagay kapag nag-focus siya.
“Pero kaming mga family niya ang naaapektuhan.”
Sang-ayon ba siya palagi sa mga pinaniniwalaan ni Robin?
Sagot ni Kylie, “No, I don’t agree with everything that my dad… Marami naman, marami naman.
“Kaya pa naman niya kapag nakikita namin siya. Game pa naman siya sa laro ng pulitika. So, support kami.”
ADVERTISEMENT – CONTINUE READING BELOW ↓
Ayaw raw ni Kylie pangunahan ang ama pagdating sa trabaho nito bilang senador.
“But I know my dad, e. Alam ko kung saan siya nanggagaling.
“I’m sure naman he knows himself. Kung anuman ang gusto niyang ipaglaban.
“And it’s not for me to talk about, kasi siya ang mas experienced sa akin. Mas matanda siya sa akin and he has more wisdom than I do.”
ON MY FATHER’S WIFE
Nakapanayam ng PEP si Kylie sa presscon ng My Father’s Wife, ang bagong GMA Afternoon Prime series na nag-umpisang umere ngayong June 23.
Pinagbibidahan ito nina Kylie, Gabby Concepcion, Kazel Kinouchi, at Jak Roberto.
“Ang ganda ng story namin, e,” pagmamalaki ni Kylie.
“Noong prinisent sa akin, gusto ko siya. Kasi, walang character na gray. Walang mabait lang, walang kontrabida talaga.
“Yung character ko may dahilan kung bakit nagalit sa character niya [Kazel] at may dahilan din kung bakit nagalit yung character niya sa akin.
ADVERTISEMENT – CONTINUE READING BELOW ↓
“Maganda yung flow ng story.”
Tinanggap daw ni Kylie ang proyekto dahil na-challenge siya sa role.
“I felt na may maibibigay ako acting-wise,” saad niya.
“Yun nga, yung character ko, hindi siya yung mabait lang. Bumigay rin siya sa temptation. So, very human yun, di ba?”
Nang sundan namin ng tanong kung naka-relate siya sa character niya, natawang sabi niya, “Kakasabi ko lang na bumigay sa temptation.”
Bumigay na ba siya sa temptasyon?
“Not in that way,” paglilinaw ni Kylie.
“Siguro ano, she’s very close to her dad. Yun lang, wala nang ibang pagka-pareho.”
Get more updates on the Philippine entertainment industry on PEP.ph
