Nagbigay ng pahiwatig si Joey de Leon na hindi pa magtatapos sa pagbibigay nila nina Tito Sotto at Vic Sotto ng isang libo’t isang tuwa matapos silang kumalas sa TAPE Inc. na producer ng “Eat Bulaga.”
Sa kaniyang Instagram, ibinahagi ni Joey ang anunsyo nila nina Tito Sotto at Vic Sotto tungkol sa pamamaalam nila sa TAPE Inc na producer ng longest-running noontime show na umabot ng 44 na taon.
Sa kaniyang caption, sinabi ng Pinoy Henyo Master na hindi pa sila “signing off.”
“We’re not signing off … we are just taking a day off!” saad ni Joey.
“All for one, one for all,” komento ng anak niyang si Jako de Leon.
Nagpahayag din ng suporta si Jopay Paguia, na OG member ng Sexbomb dancer.
“Dito lang kami ninong,” ani Jopay.
Sabi naman ni Sugar Mercado, na dati ring Sexbomb dancer, “Habang may bata may EATBULAGA #solid.”
“We’ll all be waiting tito Joey @angpoetnyo” saad ni Gladys Reyes.
Samantala, nagbigay naman ng pakikisimpatiya si Allan K sa mga Dabarkads na nalungkot sa pangyayari.
Sa kaniya ring Instagram, nagbahagi si Allan ng larawan niya na may hawak na bag at nakasulat na “Let me hug you.”
“Mahigpit na yakap AK,” komento ni EA Guzman, na nagwaging Mr. Pogi 2006 sa Eat Bulaga.
RELATED STORIES
Mga naging bahagi ng Eat Bulaga, nostalgic matapos mamaalam ang TVJ sa Tape Inc.
Zack Tabudlo na nadawit sa hiwalayan nina Moira at Jason, binasag na ang pananahimik
Max Collins, gustong makitang sumalang sa ‘Fast Talk’ si Jericho Rosales
“Yakap mahigpit,” sabi ni Rochelle Pangilinan.
“Yakap Mam Allan” komento ni Maja Salvador, na naging bahagi ng Dabarkads noong 2021.
“Yakaaap!!!” sabi ni Thia Thomalla.
“[I] love you po Nay…” saad naman ni Boobay.– FRJ, GMA Integrated News
Zack Tabudlo na nadawit sa hiwalayan nina Moira at Jason, binasag na ang pananahimik
Naglabas na ng kaniyang pahayag si Zack Tabudlo matapos makaladkad ang kaniyang pangalan sa paghihiwalay nina Moira Dela Torre at Jason Hernandez.
Sa Facebook nitong Miyerkules, nag-post si Zack, umawit ng “Binibini,” ng kaniyang larawan habang nakaratay sa ospital. Kalakip nito ang caption na nagsasaad ng kaniyang panig tungkol sa alegasyon na third party siya sa paghihiwalay nina Moira at Jason.
Matapos ang mahigit isang taong pananahimik, nais ni Zack na linawin ang isyu. Aniya, nagulat ang kanilang circle of friends ni Moira nang malaman nila na nauwi sa hiwalayan ang kasal nina Moira at Jason.
Bilang mga kaibigan, naging prayoridad umano nila si Moira.
“Our group of friends would go out for dinner, we would all take her out individually as well, we watch movies, and we would do anything to make her happy and give her company,” ani Jason, na sinabi ring puno ng breakdowns, traumas, at trust issues ang mga panahong iyon.
“Moira was just not well,” paglalahad ni Zack, na sinabing nais nilang suportahan si Moira na malampasan ang nangyari.
Pero sa halip, sinabi ni Zack na kung ano-ano ang naging paratang sa kanila, lalo na sa kaniya.
“[I] was there for a friend who needed my help, and [I] wanted to give that protection and support that she gave me when [I] needed it. [But] that’s not what everyone saw and what everyone knew,” giit niya.
Pinili raw ni Zack na manahimik pero naging sobrang bigat ito sa kaniya at humantong sa sinaktan na rin niya ang kaniyang sarili.
“[The pressure, the accusations, the music, my mental state, and everything just crumbled down for me[,] and [I] gave up,” ani Zack.
“I couldn’t take it… but thank God he gave me another chance,” dagdag ni Zack. “[I] was in the hospital in a comma unresponsive, and everyone thought [I] didn’t make it.”
Matapos ang ilang linggong recovery at therapy, sinabi ni Zack na ang circle of friends nila ni Moira ay nagpalagay ng colon tattoos na simbulo ng pag-asa.
“[Moira] told us to get bird tattoos as well for me to fly high and never look down forever,” sabi ni Zack.
Inamin ni Zack na hindi madaling pag-usapan ang tungkol sa kaniyang mental health at iba pang isyu pero kailangan niyang magsalita.
Kasabay nito, pinasalamatan ni Zack ang mga sumusuporta sa kaniyang mga awitin.
“[To] hose who are also [on] the verge of giving up[,] this is not the end for you. God has so much in store for you, and your story will not end there,” ayon sa umawit ng Habang Buhay.
Nagbigay din siya ng mensahe para kay Moira na inilarawan niyang strongest person na kaniyang nakilala.
“[I] adore her with all my heart,” ayon kay Zack. “[She] was one of the people who were there for me during my healing stages in the ward, and [I] will never ever forget how much she’s helped me grow and move [past] this phase of mine despite all the things she went through.”
Una rito, naglabas din ng pahayag si Moira para pabulaanan ang mga alegasyon na siya ang nagtaksil sa pagsasama nila ni Jason, at mayroon siyang ghostwriter.
Mayo 2022 nang kumpirmahin ang paghihiwalay nina Moira at Jason. Kasunod nito ay inamin ng huli na naging “unfaithful” siya sa pagsasama nila ni Moira.
