Are Janella Salvador and Klea Pineda hard-launching their relationship on X?
These intimate photos of Janella Salvador (in both photos) with Open Endings co-stars Klea Pineda (left) and Jasmine Curtis-Smith (right) have stirred social media, with netizens speculating about the real score between Janella and Klea.
PHOTO/S: Courtesy: X
This article has been updated.
Maraming nag-akalang na-hard launch na ang napapabalitang relasyon nina Janella Salvador at Klea Pineda dahil sa mga larawang nagsilabasan sa X (dating Twitter) ngayong Huwebes, Ocober 9, 2025.
Unang nag-post si Janella ng dalawang intimate photos kung saan kasama niya ang isang babae na naka-black cap.
Sa unang tingin ay parang si Klea ang kayakap ni Janella, ngunit kung pagmamasdan mabuti ang mga larawan ay makikitang si Jasmine Curtis-Smith ang kasama niya.
Nakumpirmang si Jasmine nga ang kayakap ni Janella dahil naka-tag sa tweet niya ang kapatid ni Anne Curtis.
Mensahe ni Janella, “ugh fine i’ll stop gatekeeping these photos. Ily @jascurtissmith”
ADVERTISEMENT – CONTINUE READING BELOW ↓
Tila nainggit naman si Klea Pineda at nag-post din ng intimate photos nila ni Janella.
Nagkomento rito si Janella.
Aniya, “ay sus inunahan ako”
Umani ng samu’t saring komento mula sa netizens ang mga larawan nina Janella, Klea, at Jasmine, partikular na sa lirato nina Janella at Klea.
Maraming netizens ang kinilig at ang iba naman ay na-curious sa totoong estado ng kanilang relasyon.
JANELLA SALVADOR-KLEA PINEDA CONNECTION
Naging magka-close sina Janella, Klea, at Jasmine habang ginagawa nila ang Cinemalaya 2025 movie na Open Endings, na tumatalakay sa sapphic relationship.
Ang sapphic ay nangangahulugang “sexual attraction or activity between women.”
Kasama rin nila sa pelikula si Leanne Mamonong.
ADVERTISEMENT – CONTINUE READING BELOW ↓
Dito rin nagsimulang maugnay ang pangalan ni Janella kay Klea matapos maghiwalay ang Kapuso actress at partner nitong si Katrice Kierulf, ang kapwa-babaeng nakarelasyon niya sa loob ng tatlong taon.
Noong July 18, 2025, inamin ng StarStruck Season 6 Ultimate Female Survivor na si Klea sa Fast Talk With Boy Abunda na nagwakas na ang tatlong taong relasyon nila ni Katrice.
Ayon kay Klea, hindi na nila natutulungan ang isa’t isa sa paggu-grow.
Dito na pumasok ang pangalan ni Janella, lalo pa nang mapansin ng publiko ang pagiging malapit nila ni Klea mula nang magkatrabaho sila sa pelikulang Open Endings.
Bukod sa bonding ng lead stars ng pelikula, may pagkakataon ding namataan silang dalawa lang na magkasama sa restaurant.
Magkasama rin sina Klea at Janella sa hotel kunsaan ginanap ang GMA Gala 2025 noong August.
Noong September 3, 2025, sa panayam nina Janella at Klea sa TV5 entertainment news reporter na si MJ Marfori, itinanggi ng Kapamilya actress na may kinalaman siya sa hiwalayang Klea at Katrice.
“Para lang maging klaro, sabi ko po magsasalita ako at the right time. Ito na yun.
“Hindi po ako part ng breakup. Hindi po ako third party.
“I’d like to exclude myself from that,” seryosong sabi ni Janella.
Pagdating sa ugnayan nila ni Klea, sabi ni Janella, “And ayun lang. Kung ano nakikita niyo ngayon, yun na yun.”
Panay rin ang ngiti ni Janella nang usisain kung gaano siya kasaya, lalo pa’t magkatabi sila ni Klea buong interview.
Saad niya, “Nakikita niyo naman kung gaano ako kasaya.”
Nang matanong si Klea ni MJ, “Are you together?”
Hindi nagbigay ng diretsong sagot si Klea, pero aniya tungkol sa kanila ni Janella, “Nakikita niyo online, kahit saan, yun na yun. Basta masaya kami… together.”
