WillCa, DustBia spark fan hysteria at PBB The Big Collove concert
PBB The Big Collove concert a massive success.
The unexpected happened when the loveteams of WillCa (Will Ashley and Bianca de Vera) and DustBia (Dustin Yu and Bianca) join forces for a kilig-to-the-max production number at the PBB The Big Collove concert at the Araneta Coliseum on August 10, 2025.
PHOTO/S: Star Magic Facebook / Nice Print Photography
Dumagundong ang Araneta Coliseum dahil sa napakalakas na hiyawan ng fans sa The Big Collove concert ng Pinoy Big Brother (PBB): Celebrity Collab Edition ex-housemates na ginanap sa Araneta Coliseum nitong Linggo ng gabi, August 10, 2025.
Sold-out ang fan concert ng PBB housemates sa Araneta at libu-libo rin ang nanood ng live streaming mula sa iba’t ibang panig ng mundo sa pamamagitan ng iWant.
Kumpleto ang 20 housemates ng PBB: Celebrity Collab Edition: ang Big Winner Duo na sina Brent Manalo at Mika Salamanca (BreKa), Second Big Placers na sina Ralph de Leon at Will Ashley (RaWi), Third Big Placers na sina Charlie Fleming at Esnyr Ranollo (ChaEs), at ang Fourth Big Placers na sina AZ Martinez at River Joseph (AzVer).
Present din sina Dustin Yu at Bianca de Vera (DustBia), Shuvee Etrata at Klarisse de Guzman (ShuKla), Xyriel Manabat at Vince Maristela, Emilio Daez at Michael Sager (MiLi), Kira Balinger at Josh Ford (KiSh), at AC Bonifacio at Ashley Ortega (ACLey).
ADVERTISEMENT – CONTINUE READING BELOW ↓
Tumagal ng halos tatlong oras ang fan concert kung saan nag-perform ang lahat ng housemates bilang pasasalamat sa lahat ng mga nagmamahal at sumusuporta sa kanila mula sa loob ng Bahay Ni Kuya hanggang sa outside world.
Ang nag-host ng fan concert ay ang PBB hosts na sina Bianca Gonzalez, Enchong Dee, Alexa Ilacad, at Mavy Legaspi.
WILLCA AND DUSTBIA FAN WAR
Sa lahat ng performances ay walang duda na ang song number ng “love triangle” nina Will Ashley, Bianca de Vera, at Dustin Yu ang yumanig nang husto sa loob ng The Big Dome.
Sa loob ng PBB house nagsimula ang umaatikabong fan war sa pagitan ng WillCa at DustBia fans.
WillCa ang tawag sa tambalan nina Will at Bianca, at DustBia naman ang kina Dustin at Bianca.
Sa aming tantiya, ang dalawa ang may pinakamaraming fans na dumalo at may pinakamalalaking banners sa Araneta Coliseum.
Kagabi, naganap ang hindi inaasahang collaboration sa pagitan ng dalawang loveteams nang pagsamahin sina Will, Bianca, at Dustin sa isang production number.
CONTINUE READING BELOW ↓
NOOD KA MUNA!
Nang ipinakilala nila ang tambalang WillCa at DustBia ay hindi magkamayaw ang fans sa pagtili at paghiyaw.
Unang lumabas sa stage si Will at sinimulan ang kantang “Akin Ka Na Lang” ni Morissette.
Sumunod si Bianca na kinanta naman ang unang bahagi ng “Sana Dalawa Ang Puso Ko” ni Bodjie Dasig.
Mula sa kanilang puwesto sa magkabilang dulo ay nagtagpo ang dalawa sa gitna ng stage para sa kanilang duet, dahilan ng pagdagundong sa loob ng Araneta Coliseum dahil sa napakalakas na tilian at hiyawan.
Lalo na nang mag-share sila ng isang mikropono at nang mag-holding hands sila, at nang hawakan ni Will ang mukha ni Bianca.
Will Ashley and Bianca de Vera prove their undeniable chemistry during their duet at PBB Collove.
Photo/s: Screen grab from X (Twitter)
ADVERTISEMENT – CONTINUE READING BELOW ↓
Hindi naman nagpatalo ang DustBia fans dahil tinapatan nila ang pagitili at paghiyaw nang pumasok si Dustin at kumanta ng “Akin Ka Na Lang” ng Itchyworms.
Itinuloy naman ni Bianca ang pagkanta ng “Sana Dalawa Ang Puso Ko” at saka sila nag-duet ni Dustin na nagpakilig nang husto sa kanilang fans.
Dustin Yu and Bianca de Vera send fans into a frenzy at PBB Collove.
Photo/s: ABS-CBN Entertainment YouTube
ADVERTISEMENT – CONTINUE READING BELOW ↓
Tila feel na feel naman ni Bianca ang ang-haba-ng-hair moment niya dahil sa “pag-aagawan” sa kanya nina Will at Dustin habang kinakanta ang “Ang Ganda Ko” ni Sandara Park.
Sa isang punto ay nilapitan niya pareho sina Will at Dustin na nasa magkabilang dulo. Pinisil niya ang pisngi ni Will at nag-flying kiss naman siya kay Dustin.
Lalong lumakas ang tilian at hiyawan nang magtagpo ang tatlo sa gitna ng stage at kinanta nina Will at Dustin para kay Bianca ang “Palagi” ni TJ Monterde, at sinundan naman ni Bianca ng “Sana Dalawa Ang Puso Ko.”
Pinatawa nina Will at Dustin ang audience, pati na si Bianca, dahil pagkatapos ay sila ang nag-holding hands.
WILLCA OR DUSTBIA?
Lalong napuno ng tawanan ang loob ng Big Dome dahil sa paglabas ni Klarisse de Guzman at i-spoof ang sarili sa viral moment niya sa PBB house.
ADVERTISEMENT – CONTINUE READING BELOW ↓
Sabi niya kina Will, Bianca, at Dustin: “Hindi ko gets. Ba’t ikaw pa ang mas galit. Bianca, hindi ko gets kung sino ba talaga. Sorry kung tinapakan ko yung loveteam niyo, ha.”
Pagkatapos nito ay sinabihan niya ang audience na sabayan siya sa pagsabi ng “OA!”
Dagdag pa ni Klarisse, na suot ang mismong damit na suot niya nang mangyari ang eksena sa loob ng Bahay Ni Kuya: “Ang OA!”
Klarisse de Guzman spoofs her own “OA” viral moment at PBB Collove.
Photo/s: ABS-CBN Entertainment YouTube
ADVERTISEMENT – CONTINUE READING BELOW ↓
Sa short interview pagkatapos ng kanilang performance, tinanong ng mga host na sina Bianca Gonzalez at Alexa Ilacad sina Bianca, Dustin, at Will kung ano ang masasabi nila sa pagsasama-sama nilang tatlo sa stage.
Natatawang sabi ni Bianca, “Hindi ko alam sasabihin….” sabay kanta ng “Ang ganda ko. Feel na feel ang long hair ko.”
Ayon naman kay Dustin, “Siyempre ako, para sa akin, sobrang saya, as in sobrang saya. Thank you so much po.”
Para naman kay Will: “Ako naman po… siyempre I’m very, very happy na makasama si Bianca dito sa entabladong ‘to, of course with Dustin.
“Ako, happy ako sa lahat ng suportang ipinapakita ninyo at ipinaparamdam sa amin.
“Yung pagmamahal po ninyo ay hindi po talaga namin matutumbasan kaya sa ganitong performance na nagawa namin ay napasaya po namin kayo. Para po sa inyong lahat ito.”
Ito ay bilang pagpapakita na kahit nagbabangayan ang kani-kanilang fans online ay nananatili silang magkakaibigan. At sabi nga ni Will, ang importante ay napapasaya nila ang kanilang mga tagahanga.
ADVERTISEMENT – CONTINUE READING BELOW ↓
Pinansin naman ni Bianca Gonzalez na ang kulay ng gown ni Bianca de Vera ay kaparehas ng suot nina Dustin at Will — sa itaas ay orange na katerno ng suot ni Dustin at sa ibaba ay pink na kakulay ng suot ni Will.
Diretsahang tanong ni Bianca G. kay Bianca D.: “Sino ba talaga ang pipiliin mo?”
Pagkarinig nito ay nagpalakasan ng sigaw ang WillCa at DustBia fans.
Pero sagot ni Bianca, “Alam niyo, huwag na kayong mag-away-away kasi DustWill naman talaga yung panalo. Yun naman talaga yung ending.”
Sumakay naman sina Will at Dustin at nag-holding hands sila sa harap ni Bianca.
Bianca de Vera laughs as Will Ashley and Dustin Yu hold hands in front of her.
Photo/s: ABS-CBN Entertainment YouTube
ADVERTISEMENT – CONTINUE READING BELOW ↓
BIG FOUR DUOS PRODUCTION NUMBERS
May kanya-kanyang production number ang Big Four Duos ng PBB: Celebrity Collab Edition.
Sina AZ Martinez at River Joseph ay pinainit ang stage sa kanilang sexy ballroom-inspired dance number.
AZ Martinez and River Joseph
Pinabilib nina Charlie Fleming at Esnyr Ranollo ang mga manonood sa kanilang cheerdance performance.
ADVERTISEMENT – CONTINUE READING BELOW ↓
Charlie Fleming and Esnyr Ranollo
Photo/s: Charlie Fleming Instagram
Ipinamalas nina Ralph at Will ang kanilang P-pop vibe sa pamamagitan ng pagkanta at pagsayaw ng “All These Ladies” ng BGYO.
Will Ashley and Ralph de Leon
Photo/s: Screen grab from X (Twitter)
ADVERTISEMENT – CONTINUE READING BELOW ↓
Pinakalig naman ng Big Winners na sina Brent at Mika ang mga manonood sa pamamagitan ng kanilang duet ng “Na Na Nandito Lang” ng BINI.
Brent Manalo and Mika Salamanca
Photo/s: Screen grab from X (Twitter)
OTHER BIG PRODUCTION NUMBERS
Pasabog agad ang opening numbr ng PBB Big Collove concert mula sa grand entrace ng 20 ex-housemates, suot ang ilang fictional character costumes, hanggang sa pagsayaw nila ng mashup version ng original theme song ng Pinoy Big Brother.
ADVERTISEMENT – CONTINUE READING BELOW ↓
Sinundan ito agad ng couple dance ng lahat ng ex-housemates to the tune of “Taralets” ng Imago.
Pagkatapos nito ay sinamahan sila ng first guest housemate ng PBB Celebrity Collab Edition na si Ivana Alawi.
Kinover naman nina Charlie at AC Bonifacio ang hit song ni Kehlani na After Hours.”
Nag-duet sina Mika at Klarisse de Guzman ng debut single ni Mika na “Sino Nga ba Siya.”
Hinarana ng male housemates ang female audience at nagbigay rin sila ng flowers.
Rumampa naman ang ilang female housemates kasama ang ilang miyembro ng audience.
Muling nabuhay ang The Big Boys, except Will and Dustin, para sa kanilang pangiliting dance number.
Nag-reunion din ang “Deestiny’s Child” nina Klarisse, Esnyr, at Michelle Dee.
Ang finale number ay ang pagsasama-samang muling 20 ex-housemates habang kinakanta ni Darren ang “Paalam Muna Sandali.”
At tinapos nila ito sa pamamagitan ng pagkanta at pagsayaw sa bagong thme song ng PBB.
ADVERTISEMENT – CONTINUE READING BELOW ↓
Pagkatapos ng concert ay nagkaroon ng meet-and-greet moment ang VIP ticketholders sa lahat ng ex-housemates.
News
Wedding Cake ni Carla Abellana, Tinutukso ng Meme ni Janus del Prado at Netizens! Paano Tinugon ng Bagong Kasal ang Hugis ‘Kabaong’ na Isyu at Bakit Sinasabing ‘Para Sa Amin, Maganda Siya’—Alamin ang Lahat ng Dramatikong Reaksyon sa Social Media
Walang makakapigil sa kasiyahan ng bagong kasal na si Carla Abellana kasama ang kanyang high school sweetheart na si Dr. Reginald Santos. Ngunit kamakailan lamang, ang simpleng detalye ng kanilang kasal—ang wedding cake—ay naging sentro ng online drama at tawanan….
Babala sa 2026: Alleged Masamang Plano at Political Intrigue sa Kongreso! Paano Sinusubukang Patalsikin ang House Speaker at Bakit Pinangangambahan ng Publiko ang Impeachment ng VP Sarah Duterte—Alamin ang Buong Detalye ng Matinding Labanan sa Likod ng Kulungan at Opisina ng Gobyerno
Ngayong bagong taon ng 2026, nagkakaroon na naman ng matinding ingay sa politika sa Pilipinas. Maraming netizens at political observers ang nag-aalala matapos lumabas ang mga ulat tungkol sa umano’y masamang plano para sa ilang pangunahing opisyal ng gobyerno. Isa…
BTS Bumabalik sa 2026! PHILIPPINES Kasama sa Listahan ng World Tour—Magkakaroon ng Eksklusibong Concert sa Manila! Alamin Kung Paano Naghanda ang ARMY Para sa Pinakahihintay na Comeback ng K-pop Supergroup sa Bagong Taon at Bakit Excited ang Bawat Pinoy Fan!”
Pilipinas, maghanda na! Ang pinakamalaking K-pop phenomenon sa mundo, ang BTS, ay opisyal nang nagbigay ng pahiwatig ng kanilang comeback ngayong 2026, at kasama sa kanilang world tour ang ating bansa. Isang pangyayaring nagpasabog sa social media at nagpaiyak sa…
Serena Dalrymple: Mula sa Sikat na Commercial at Mga Premyadong Pelikula Hanggang sa Buhay na Binaraha ng Pagkawala ng Mga Magulang Nang Maaga, At Pag-aalaga sa Kanyang Mga Kapatid—Ngunit Ang Tunay na Nakatulong Sa Kanya Upang Malampasan ang Lahat ng Pagsubok, Magtagumpay, at Matagpuan ang Kaligayahan Bilang Isang Ina at Asawa ay May Lihim na Hindi Pa Alam ng Nakararami… Tuklasin sa Link sa Comments…
Si Serena Dalrymple ay isang pangalan na agad nagpapaalala sa mga Pilipino ng dekada 90 at maagang 2000s – isang batang artista na sumikat dahil sa kanyang mga makukulay na commercial at mga pelikulang pinapurihan ng mga kritiko. Ngunit sa…
Chris Aquino Ginulat ang Lahat Nang Magbahagi ng Nakakabigla at Nakakalungkot na Update Tungkol sa Kalagayan ng Kanyang Anak Bimbe—Paano Na Nga Ba ang Kanilang Mag-iina? Alamin ang Buong Detalye na Nagpaiyak at Nagpagulantang sa Buong Publiko!
Muling nabigla ang publiko nang magbahagi ng isang emosyonal at nakakaantig na post sa Instagram si Chris Aquino noong December 29, 2025. Sa kabila ng mga masasayang larawan na madalas niyang ibahagi sa social media, ngayon ay ibang-iba ang tono….
Three Generations of Exorcists Lived in Poverty: In My Generation, I Use SCIENCE to Catch Ghosts
My family has been in the spiritual cleansing business for three generations. My grandfather was a celestial master, living a pure life. After exorcising spirits, he only accepted two sweet potatoes as a token of gratitude.By the end of his…
End of content
No more pages to load
