Ellen: “Paano ko naman pakasalan, e, hindi naman nag-propose?”
Ellen Adarna explains why she never married ex-boyfriend John Lloyd Cruz: “Paano ko naman pakasalanan, hindi naman nag-propose.”
PHOTO/S: Ellen Adarna/John Lloyd Cruz on Instagram
Magkahiwalay na nagbigay ng pahayag sina Ellen Adarna at Derek Ramsay bilang sagot sa pa-blind item ng controversial social media personality na si Christian Albert “Xian” Gaza tungkol sa dahilan umano ng pagkawasak ng kanilang relasyon.
Noong Linggo, September 28, 2025, isang blind item ang ipinost ni Gaza sa Facebook tungkol sa hiwalayan umano ng isang celebrity couple.
Paglalarawan ni Gaza, “bilyonaryo” ang lalaking pinakasalan ng babae.
Nagkaroon daw sila ng anak, ngunit nang maghiwalay ay ayaw na raw ipakita pa ng babae sa kanyang mister ang kanilang supling.
Mababasa sa post (published as is): “BLIND ITEM: Sinetch itey na bilyonaryong celebrity ang hiwalay na sa kanyang asawa na tigapagmana ng malaking kumpanya sa Visayas at Mindanao?
CONTINUE READING BELOW ↓
“Ang nasabing power couple ay may isang anak na ayaw ipakita ni girl kay guy. sinetch itey?
Photo/s: Screengrab Xian Gaza on Facebook
ADVERTISEMENT – CONTINUE READING BELOW ↓
Sinundan ito ng isa pang post kunsaan sinabi ni Gaza na tila pinagplanuhang maigi ng babae na magpakasal at magkaroon ng anak sa “bilyonaryo” para makamkam ang lahat ng yaman ng lalaki.
Post ni Gaza (published as is): “Eh paano ngayon ‘to? Kasal sila. Walang divorce sa Pilipinas. Eh peso billionaire si celebrity guy. May prenup bang pinirmahan si super famous celebrity girl? O waley?
“So meaning to say, may habol siya sa bilyones ni guy? Tapos yung anak nila, may habol din sa yaman ng kanyang ama? Under the guardianship ni girl? Is this the masterplan from the start? Nautakan ba siya ni babae?
“OMG nakakaloka iisipin ko pa tuloy ‘to ngayon paano ako makakatulog nito mamaya mygaaahd.”
Bagamat walang pangalang binanggit, ang clue na inilagay ni Gaza sa comments section ng kanyang post ang nag-udyok sa netizens na maniwalang ang mag-asawang Ellen at Derek ang nais patungkulan ng kontrobersiyal na social media personality.
CONTINUE READING BELOW ↓
NOOD KA MUNA!
Mababasa kasi rito (published as is), “Si JL hindi niya pinakasalan kasi wala siyang mapapala. Ang makukuha lang niya ay kalahati ng lupa sa paso at limang banig ng Biogesic.
“Pero etong isa, pinakasalan niya agad-agad after a few months of relationship. Pinagplanuhan. Mautak.”
Photo/s: Screengrab Xian Gaza on Facebook
ADVERTISEMENT – CONTINUE READING BELOW ↓
Ayon sa netizens, ang “JL” na binabanggit ni Gaza ay ang dating nobyo ni Ellen na si John Lloyd Cruz.
Si John Lloyd din ang ama ng panganay na anak ni Ellen, si Elias.
Tumutugma rin kay John Lloyd nang banggitin ni Gaza ang “biogesic” dahil ito ang gamot na iniendorso noon ng aktor.
ELLEN ADARNA RESPONDS TO XIAN GAZA’S CLAIM
Sa pamamagitan ng magkakasunod na Instagram Stories, sinagot ni Ellen ang mga alegasyon ni Gaza.
Dito ay nabanggit ni Ellen ang dahilan kung bakit hindi nauwi sa kasal ang relasyon nila ni John Lloyd.
Taliwas ito sa sinasabi ni Gaza na walang ari-arian ang aktor na maaaring makuha ni Ellen.
Saad ni Ellen sa kanyang IG Story: “Daming nag-tag. Kailangan ko na ng Biogesic.
“Paano ko naman pakasalan, e, hindi naman nag-propose?”
ADVERTISEMENT – CONTINUE READING BELOW ↓
Pahaging ding pinabulaanan ng aktres ang post ni Gaza tungkol sa pagiging bilyonaryo ng asawa niyang si Derek.
Hirit pa ni Ellen, hindi dapat iniismol ang kakayahan at yaman ni John Lloyd.
Saad niya: “And billions? Oh my God, billions. The only billions… ang anino ng billions na nakita ko ay sa flood control lang.
“Billionaires? Sy family, Gokongwei, Zobel, Aboitiz, Lucio Tan, Villar. Zaldy Co, Discaya. Romualdez.
“And huwag mong ismolin si Biogesic, because simple lang siya. Ikaw you don’t know, but ang assets noon, I know! You know?”
Hirit pa niya: “At kung maki-marites na rin lang, at least get everything right, like everything.
“Mahirap naman sabihin na unreliable source, and I’m a liar.”
DEREK RAMSAY DENIES SPLIT WITH ELLEN ADARNA
Gaya ni Ellen, sa Instagram Stories din idinaan ni Derek ang pagtanggi niya sa mga alegasyon sa kanila ni Gaza.
ADVERTISEMENT – CONTINUE READING BELOW ↓
Aniya, “There’s this issue with Mr. Xian Gaza. I’ll just keep it very simple, there’s no truth to anything that was said. That’s it, guys, that’s all I have.”
Gaya ni John Lloyd, sina Ellen at Derek ay mayroon ding isang anak.
DEREK-ELLEN BREAKUP RUMORS
Ilang linggo nang bali-balita ang diumano’y pagtatapos ng halos apat na taong pagsasama bilang mag-asawa nina Ellen at Derek.
Nagsimula ito nang mapansin ng netizens na hindi na nagku-comment o nagre-react si Ellen sa mga post ni Derek sa social media, bagay na madalas niyang gawin noon.
Binigyan din ng kulay ang pagpunta ni Derek sa Bali, Indonesia, para sumailalim sa Kami No Ken, isang self-improvement program.
Pinabulaanan na noon ni Derek ang haka-haka at iginiit na walang katotohanan ang tsismis at nananatiling matatag ang pagsasama nila ni Ellen bilang mag-asawa.
Nakiusap din ang dating aktor na huwag na silang intrigahin dahil hindi na raw sila aktibo sa showbiz, at pribadong mga indibidwal na sila ni Ellen.
ADVERTISEMENT – CONTINUE READING BELOW ↓
August 31, muling umingay ang isyung hiwalay umano ng dalawa nang mag-post si Ellen ng mga makahulugang IG Stories tungkol sa pagkakaroon niya ng postpartum depression.
Sa panahon ng postpartum ay nakararanas ng pagbabago sa pisikal na pangangatawan at emosyunal na estado ang isang babae na maaaring magdulot ng mood swings.
Ang mga post noon ni Ellen ay nagpapahiwatig na tila hindi naiintindihan ng kanyang partner ang mga pinagdaraanan niya matapos manganak.
Pagsapit ng September, umugong naman ang haka-hakang in-unfollow ni Ellen sa Derek sa Instagram.
Mariin naman itong itinanggi ni Ellen noong September 5.
Aniya: “Tigilan niyo na kami ha. Dami na fake news ekeklavooo.
“I never unfollowed my husband. Ever. And i dont know whats happening here on my ig. But here you go…when i search his name – im following him.
ADVERTISEMENT – CONTINUE READING BELOW ↓
“But on my following list, hes not there and i dont know whats up IG?! Ano ba talaga? Ako rin nalito nako lol.”
News
Wedding Cake ni Carla Abellana, Tinutukso ng Meme ni Janus del Prado at Netizens! Paano Tinugon ng Bagong Kasal ang Hugis ‘Kabaong’ na Isyu at Bakit Sinasabing ‘Para Sa Amin, Maganda Siya’—Alamin ang Lahat ng Dramatikong Reaksyon sa Social Media
Walang makakapigil sa kasiyahan ng bagong kasal na si Carla Abellana kasama ang kanyang high school sweetheart na si Dr. Reginald Santos. Ngunit kamakailan lamang, ang simpleng detalye ng kanilang kasal—ang wedding cake—ay naging sentro ng online drama at tawanan….
Babala sa 2026: Alleged Masamang Plano at Political Intrigue sa Kongreso! Paano Sinusubukang Patalsikin ang House Speaker at Bakit Pinangangambahan ng Publiko ang Impeachment ng VP Sarah Duterte—Alamin ang Buong Detalye ng Matinding Labanan sa Likod ng Kulungan at Opisina ng Gobyerno
Ngayong bagong taon ng 2026, nagkakaroon na naman ng matinding ingay sa politika sa Pilipinas. Maraming netizens at political observers ang nag-aalala matapos lumabas ang mga ulat tungkol sa umano’y masamang plano para sa ilang pangunahing opisyal ng gobyerno. Isa…
BTS Bumabalik sa 2026! PHILIPPINES Kasama sa Listahan ng World Tour—Magkakaroon ng Eksklusibong Concert sa Manila! Alamin Kung Paano Naghanda ang ARMY Para sa Pinakahihintay na Comeback ng K-pop Supergroup sa Bagong Taon at Bakit Excited ang Bawat Pinoy Fan!”
Pilipinas, maghanda na! Ang pinakamalaking K-pop phenomenon sa mundo, ang BTS, ay opisyal nang nagbigay ng pahiwatig ng kanilang comeback ngayong 2026, at kasama sa kanilang world tour ang ating bansa. Isang pangyayaring nagpasabog sa social media at nagpaiyak sa…
Serena Dalrymple: Mula sa Sikat na Commercial at Mga Premyadong Pelikula Hanggang sa Buhay na Binaraha ng Pagkawala ng Mga Magulang Nang Maaga, At Pag-aalaga sa Kanyang Mga Kapatid—Ngunit Ang Tunay na Nakatulong Sa Kanya Upang Malampasan ang Lahat ng Pagsubok, Magtagumpay, at Matagpuan ang Kaligayahan Bilang Isang Ina at Asawa ay May Lihim na Hindi Pa Alam ng Nakararami… Tuklasin sa Link sa Comments…
Si Serena Dalrymple ay isang pangalan na agad nagpapaalala sa mga Pilipino ng dekada 90 at maagang 2000s – isang batang artista na sumikat dahil sa kanyang mga makukulay na commercial at mga pelikulang pinapurihan ng mga kritiko. Ngunit sa…
Chris Aquino Ginulat ang Lahat Nang Magbahagi ng Nakakabigla at Nakakalungkot na Update Tungkol sa Kalagayan ng Kanyang Anak Bimbe—Paano Na Nga Ba ang Kanilang Mag-iina? Alamin ang Buong Detalye na Nagpaiyak at Nagpagulantang sa Buong Publiko!
Muling nabigla ang publiko nang magbahagi ng isang emosyonal at nakakaantig na post sa Instagram si Chris Aquino noong December 29, 2025. Sa kabila ng mga masasayang larawan na madalas niyang ibahagi sa social media, ngayon ay ibang-iba ang tono….
Three Generations of Exorcists Lived in Poverty: In My Generation, I Use SCIENCE to Catch Ghosts
My family has been in the spiritual cleansing business for three generations. My grandfather was a celestial master, living a pure life. After exorcising spirits, he only accepted two sweet potatoes as a token of gratitude.By the end of his…
End of content
No more pages to load
