Faney nagtapos na cum laude dahil sa KimPau
Mas naging role model sa mga estudyante ang KimPau dahil sa ibinida ng isang kaka-graduate lang na fan, kung saan pinasalamatan niya ang paboritong love team nina Kim Chiu at Paulo Avelino.
Hindi lang kasi nagtapos sa kolehiyo si Ky na fan ng KimPau kundi ibinida rin nito na grumadweyt siya na cum laude.
Sa kanyang post sa X, ipinakita ni Ky o @whatsup_ky ang larawan nito na nakatoga, hawak ang dalawang malaking bouquet ng flowers at nakasabit ang medalya nito na nagpapatunay sa kanyang academic award na cum laude.
Sey nito sa caption ng post, “Sharing this here too, because KimPau has been part of my journey – through every breakdown, breakthrough, and everything in between. Thank you Kimmy and Pau for the added inspiration!”
Ipinagmalaki ni Ky na hindi naging balakid ang palagi nyang pag-KimPau, kundi nagbigay pa ito sa kanya ng magandang estado sa pag-aral.
Sabi pa nya, “Saan mapupunta ang kaka-KimPau mo?” Sa pagiging Cum Laude po!!!”
Nahagip naman ito ng atensyon ni Kim at bumati sa nasabi nyang fan.
“Awwww congratulations!!!! Thank you for the support and congrats on your hardwork!”
Kinilig naman si Ky at nagpasalamat sa kanyang idol.
“I LOVE YOUUU, KIMMY!!!! YOU’RE THE SWEETEST!!! This made my dayyy!!!! I will support you always and forever.”
Makikita sa X account ni Ky kung gaano katindi ang pagiging faney nya sa KimPau dahil lahat ng laman ng post nya puro si Kim at si Paulo. (Rey Pumaloy)
