Allan K: “Noon pa man, ginusto ko nang magpa-benefit show, siya lang ang ayaw.”
Celebrities express prayers and well-wishes for comedian Ate Gay amid his mucoepidermoid cancer battle, offering love, support, and hope for his healing.
PHOTO/S: Ate Gay on Instagram
Nagpaabot ng suporta at panalangin ang mga komedyateng sina Allan K, Boobay, at Eric Nicolas, maging ang aktres na si Sugar Mercado para kay Ate Gay—Gil Morales sa tunay na buhay.
Ito’y matapos isapubliko ni Allan K sa gig nila sa Clowns Republik Comedy Bar nitong Biyernes, September 19, 2025, ang pinagdaraanang sakit ni Ate Gay na cancer.
Sa video na ini-upload sa Facebook ni Eric, mapapanood ang pag-aanunsyo ni Allan K sa kasalukuyang pinagdaraanan ni Ate Gay.
Kalakip ang caption niyang (published as is), “KAILANGAN NI ATE GAY NG PANALANGIN…”
Pagbabahagi ng Eat Bulaga! host sa video ni Eric, matagal na niyang alam ang sakit ng kapwa komedyante at matagal na rin niyang plano na magsagawa ng benefit show para makatulong sa gastusin ni Ate Gay sa kanyang gamot at operasyon.
Maririnig sa video, “Noon pa man, gusto ko nang magpa-benefit show, siya lang ang ayaw.
“Ayaw niyang makaistorbo ng tao. Ayaw niyang nanghihingi sa tao, ganyan si Ate Gay, matibay siya, matatag yan. Nag-iisa sa buhay pero lumalaban.”
ADVERTISEMENT – CONTINUE READING BELOW ↓
Kuwento pa ni Allan K, si Ate Gay ang mismong nagbalita sa kanya na mayroon siyang mucoepidermoid cancer—sa pag-asang matutulungan siya nito na humanap ng doktor na makakapagpagaling sa kanyang sakit.
Nang mabasa, agad daw na nakaramdam ng habag si Allan K, lalo na nang sabihin ni Ate Gay na gusto pa niyang mabuhay.
Read more about
Ate Gay
cancer
comedian
Emosyunal na pagbabalik-tanaw ni Allan K: “Ito yung sakit niya, pallid tumor mucoepidermoid cancer versus squamous cell carcinoma.
CONTINUE READING BELOW ↓
“So, inisip ko ano kayang klaseng sakit ito, tinanong ko nang tinanong wala naman akong mapagtanungan.
“Hanggang sa nag-text si [Ate Gay] ulit sa akin. [Sabi niya], ‘Baka may kilala kang magaling na dalubhasa na pwede akong operahan.
“‘Kasi sabi doon ng doktor [ko], incurable na. Baka may kakilala kang magaling na doktor na dalubhasa na pwede akong operahan.
“‘Pa-sponsor naman ako. Gusto ko pang mabuhay.'”
CONTINUE READING BELOW ↓
#PEPGoesTo BreKa’s Menties Fanmeet
Ayon sa Mayo Clinic, mucoepidermoid cancer ay isang uri ng cancer na karaniwang nagsisimula sa salivary glands (mga glandula ng laway, gaya ng parotid gland, submandibular gland, o minor salivary glands sa bibig at lalamunan).
BOOBAY TO ATE GAY: “Gagaling ka po, in Jesus Name, amen.”
Matapos ang pagsasapubliko ni Allan K ay agad na bumuhos ang dalangin at pagdamay kay Ate Gay.
Sa Instagram ngayong Sabado, September 20 ay nagpost si Boobay ng litrato nila ni Ate Gay, kalakip ang panalangin niya ritong gagaling ang kapwa komedyante.
Mababasang caption sa post ni Boobay (published as is), “I love you so much Te Gayeyeyey @ategay08 !!! Gagaling ka po, in Jesus Name, Amen… Jeremiah 30:17: “For I will restore your health and heal your wounds—oracle of the LORD.”
Boobay (right) and Ate Gay (left).
Photo/s: Boobay on Instagram
ADVERTISEMENT – CONTINUE READING BELOW ↓
SUGAR MERCADO TO ATE GAY: “Laban lang po…”
Nag-alay rin ng panalangin para sa paggaling ni Ate Gay si Sugar Mercado.
Post niya sa Instagram, kasama ang ilang kuhang picture nila ng komedyante: “Mahal po kita @ategay08 Kaya ng panginoon lahat lahat Kami mag dadasal para sayo Laban lang po be stil.
“Isaiah 41:10 promises God’s presence, strength, and help, while Psalm 41:3 speaks of God sustaining and restoring on a sickbed.
“Other verses include Psalm 147:3, which says God heals the brokenhearted, and Matthew 11:28-30, where Jesus invites the weary to find rest in Him.”
Sugar Mercado (left) and Ate Gay (right).
Photo/s: Sugar Mercado on Instagram
ADVERTISEMENT – CONTINUE READING BELOW ↓
Habang isinusulat ang artikulong ito ay wala pang inilalabas na pahayag si Ate Gay sa sakit na kanyang pinagdaraanan.
Samantala, hindi ito ang unang pagkakataon na dinapuan ng sakit si Ate Gay.
Noong March 2021 ay ilang linggo rin siyang nasa ospital matapos ma-diagnose na mayroong pneumonia.
Ayon noon kay Ate Gay, ang paggaling niya sa pneumonia ay tinatanaw niyang himala dahil sa pagkakaloob sa kanya ng pangalawang buhay.
Pagdating ng April 2021, nagkaroon naman siya ng rare and serious skin condition na tinatawag na toxic epidermal necrolysis (TEN).
Ayon sa healthline.com, ang TEN ay “adverse reaction to medication like anticonvulsants or antibiotics.”
Ang pangunahing sintomas nito ay matinding pagbabalat at pagsusugat ng katawan.
Bagay na makikita sa post noon ni Ate Gay habang siya’y nasa ospital—may oxygen tube na nakapasok sa isang butas ng kanyang ilong, at nangitim ang kanyang labi dahil sa sugat.
