Cardong Trumpo gets the highest combined judges’ scores and public votes, earning him the title of Pilipinas Got Talent Season 7 grand winner.
PHOTO/S: Screengrab ABS-CBN Entertainment on YouTube
Ang construction worker mula sa Cavite na si Ricardo Cadavero o Cardong Trumpo ang hinirang na grand winner sa ikapitong season ng Kapamilya talent show na Pilipinas Got Talent (PGT).
Ngayong Linggo, June 22, 2025, naganap ang final showdown ng PGT kunsaan nagtapat-tapat ang walong grand finalists, kasama na si Cardong Trumpo.
Sa huling pagkakataon, isa-isa nilang ipinakita ang kanilang talento sa panel of judges na binubuo nina Kathryn Bernardo, Freddie M. Garcia (FMG), Donny Pangilinan, at Eugene Domingo.
Sa huli ay nanaig ang talentong pagpapaikot ng trumpo ni Cardong Trumpo.
Photo/s: Screengrab ABS-CBN Entertainment on YouTube
ADVERTISEMENT – CONTINUE READING BELOW ↓
Ang trumpo ay isa sa mga tanyag na sinaunang laruan sa Pilipinas.
Yari ito sa kahoy na hinugis pabilog at ang isang bahagi ay bahagyang kinortehan ng patulis na nagbibigay rito ng hitsurang parang itlog.
Mula sa patusok na bahagi ay may pako na nakabaon. Ang dulo ng pako ay hinahasa at pinapatulis.
Gamit ang isang metrong tali ay napapaikot ng isang manlalaro ang laruang ito.
PGT season 7 WINNERS
Dahil sa pinagsamahang judges’ score at online votes, nakuha ni Cardong Trumpo ang pinakamataas na score na 99.5 percent.
Dahil dito, siya ang nakakuha ng grand prize na two million pesos.
Second place naman ang LGBTQIA+ (lesbian, gay, bisexual, transgender, queer, Intersex, and asexual) dance crew na Femme MNL.
Naiuwi nila ang PHP150,000, makaraang makapagtala ng 50.4 percent combined votes.
Femme MNL is the second placer of Pilipinas Got Talent Season 7.
Photo/s: Screengrab ABS-CBN Entertainment on YouTube
CONTINUE READING BELOW ↓
NOOD KA MUNA!
Habang PHP100,000 naman ang napanalunan ng third placer na Carl Quion dahil sa score niyang 47.8 percent.
Carl Quion is the third placer of Pilipinas Got Talent Season 7.
Photo/s: Screengrab ABS-CBN Entertainment on YouTube
Halos hindi makapaniwala si Cardong Trumpo sa kanyang pagkapanalo at pagkahirang bilang PGT Season 7 grand winner.
ADVERTISEMENT – CONTINUE READING BELOW ↓
Mangiyak-ngiyak niyang sabi: “Ang pangarap ko lang po [noon] yung isang kilong bigas ay magkasya sa tatlong beses sa isang araw, pero ngayon sobra-sobra po yung binigay niyo sa akin.
“Lord, thank you.”
Cardong Trumpo gets emotional after being named Pilipinas Got Talent Season 7 grand champion
Photo/s: Screengrab ABS-CBN Entertainment on YouTube
