Meet Mad Ramos, the first Sparkle Campus Cutie winner

The 19-year-old UST student hopes to work with Bea Alonzo and Charlie Flemming.

Mad Ramos is awarded with a contract with Sparkle GMA Artist Center, the talent management arm of Kapuso Network. 
PHOTO/S: Rose Garcia

Si Mad Ramos, 19, ang kauna-unahang ultimate winner ng Campus Cutie, ang campus cutie search ng Sparkle GMA Artist Center.

Siya ay mula sa University of Santo Tomas.

 

Mula sa naglaban-labang 20 Campus Cutie contestants, na-shortlist sila sa Top 10 finalists, hanggang sa tinanghal na winner si Mad.

Ginanap ang pagpili ng ultimate winner nitong June 21, 2025 sa Studio 6 ng GMA-7.

Ilan sa mga naupong hurado ay sina Atty. Annette Gozon-Valdez (GMA senior VP), Joy Marcelo (first vice-president of Sparkle and Talent Development and Management), at Aloy Adlawan (creative director of GMA Entertainment Group).

Kasama rin sina Ryuji Shiomitsu (partner fashion stylist at Bench), Japs Jaring (production manager), at Eason de Guzman (digital marketing manager and content lead at Honor Philippines).

Sa kanyang speech, sinabi ni Mad na hindi niya inakalang mananalo siyang Campus Cutie.

Nang makausap na ito ng ilang media, kabilang ang PEP.ph (Philippine Entertainment Portal), sinabi niya ang dahilan.

ADVERTISEMENT – CONTINUE READING BELOW ↓

“Kasi parang sa una, I got shy. Mahiyain ako. Hindi ako nakakapag-step-up sa workshops, challenges…

“Sa dulo na ko nakabawi. So, hindi ko talaga ine-expect. I’m very happy.”

Tingin ni Mad, nagpanalo sa kanya ang ipinamalas niyang charisma sa workshop sa dulo ng kumpetisyon.

“Feeling ko, do’n nagtuluy-tuloy. Mas napansin ako ng mga mentors ko.

“And I’m happy sa mga kaibigan ko, mga Campus Cuties din. I’m very happy na naging kaibigan ko sila at isa rin sila sa nakatulong sa akin.”

Natuto raw siya sa tips at advice ng mga kasama.

 

MAD RAMOS ON REPRESENTING THE MUSLIM COMMUNITY

Si Mad ay isang Muslim. Parehong mga magulang niya ay purong Muslim.

Tumatak ang sinabi niyang gusto niya patunayan na kaya rin ng mga katulad niyang Muslim ang makilala bilang isang artista.

“Gusto kong i-represent ang Muslim community. Kayang-kaya nating makipagsabayan sa ganitong industry. Kasi, konti lang naman ang sumusubok sa ganito.

“So ako na, ako na ang nag-step-up to represent the Muslim community. And sana, maging proud kayo sa akin. Ipagpapatuloy ko ‘to para sa inyong lahat.”

Tingin ba niya ay malaking factor na nagpanalo sa kanya ang adbokasiya niya?

“Hindi siya malaking factor, it’s one of the factors,” paglilinaw ni Mad.

“Kasi, yung pagiging artista, hindi naman sa religion. I think, it’s the talent, personality, at kung paano ka makisama sa mga tao.

“And kung willing ka pang matuto, kung passionate ka ba. At kung may star factor ka ba.

“And siyempre, kasama na rin ang charisma. Siguro do’n ako nag-step-up.”

Bilang isang Muslim, hindi itinanggi ni Mad na may mga bawal siyang gawin bilang isang artista.

“Meron, at isa sa example, yung nakahubad ako,” lahad niya.

Kung pagpa-sexy ang pag-uusapan, hanggang sando lang at hindi topless ang maaari niyang gawin. Bawal din daw ang kissing scene.

SPARKLE GMA ARTIST CENTER CONTRACT

Bukod sa mga premyong sponsorship na natanggap mula sa iba’t ibang brands, kasama sa premyo ni Mad ang management contract sa Sparkle GMA Artist Center.

Sino sa mga Kapuso ang mga pangarap niyang makasama sa isang proyekto?

“Siyempre yung mga idols ko—mga big time na sina Ms. Marian Rivera, Dingdong Dantes, and also si Kuya Ruru Madrid.”

Kung sa mga kasing-edad niya ay gusto raw niya makatrabaho si Kira Balinger, ex-housemate ng Pinoy Big Brother: Celebrity Collab.

Nilinaw ng awtor na ito na Kapamilya artist si Kira.

“Akala ko Kapuso siya,” natawang pag-amin ni Mad.

“Okay lang ba kahit big time na? Siguro si Ms. Bea Alonzo. Kasi, ever since I was a kid, pinapanood ko na siya, e.

“Pero kung puwede pa, di ba, it’s not too late.”

Sabay dagdag ni Mad, “Si Charlie Flemming. I like her personality. Yung attitude niya, napapanood ko siya sa PBB. I like her.”

ADVERTISEMENT – CONTINUE READING BELOW ↓

Ngayong siya na nga ang kauna-unahang Campus Cutie, ano ang totoong nararamdaman niya?

“I’m very proud of myself,” saad niya.

“Hindi ko nga in-expect. Honestly, right now, I’m very happy talaga and very thankful sa opportunity. Yun talaga ang nararamdaman ko. And I feel blessed. I feel so blessed.”

Siniguro rin ni Mad na desidido siya pagsabayin ang pag-aaral at pag-aartista.

“Hindi ko pa rin pababayaan ang pag-aaral,” aniya.

MAD RAMOS QUICK FACTS

FULL NAME: Ahmad Ramos

NICKNAME: Mad

SCHOOL: U.S.T.; Senior High, Grade 12

DREAM COURSE IN COLLEGE: Magga-graduate na [ako sa U.S.T.], pero I plan to transfer sa Lyceum kasi number one siya sa Custom Administration.

HOBBIES: I love sports. Varsity po ako ng volleyball. Na-recruit po ako do’n kaya po nakapag-aral din ako sa U.S.T.

MISCONCEPTION ABOUT HIM: Mukhang intimidating—mali yon. Yung personality ko, very friendly ako, approachable, very kind.