Julie Anne San Jose prays to be ready for marriage

Julie Anne: “Nasa point na rin ako ng life ko na gusto ko na lang mag-enjoy.”

Julie Anne San Jose not worried about possible changes in her body if she and Rayver Cruz start a family someday. 
PHOTO/S: @shuashotss via @myjaps Instagram

Aminado si Julie Anne San Jose, 31, na pareho sila ni Rayver Cruz, 35, na gustong humantong sa pagpapakasal ang kanilang relasyon balang araw.

Pahayag ng Kapuso singer-actress: “Ako, yan ang pinagpe-pray ko palagi kay Lord.

“Kasi siyempre, ako, gusto ko din na kapag nangyari yun, gusto ko ay handa talaga ako.

“But since iyan napag-uusapan naman talaga din namin, and dun din naman kasi papunta iyon…

“And nasa point na rin kasi ako ng life ko na gusto ko na lang mag-enjoy. I wanna enjoy life.

“I want to focus on my happiness din naman.”

May agam-agam ba siya na baka “tumaba o malosyang” siya kapag nagpamilya at nagkaroon na siya ng anak.

“I think it’s part of ano naman, e, being a wife and a mother.

“Lagi ko ngang sinasabi, kasi marami rin akong nakikita or nawi-witness na, ‘O, ganitong klase yung life nila after nilang ikasal or like pagka mommies na sila.’

ADVERTISEMENT – CONTINUE READING BELOW ↓

“And personally, nai-inspire ako, mas nai-inspire ako.

“Si Mommy kasi, especially nung dalaga siya, parang ganito rin kasi yung katawan niya,” tukoy niya sa inang si Marivic na slim ang figure hanggang ngayon.

Dagdag niya, “So it’s really, you know, about really taking good care of your body, about your health talaga.”

Nakausap ng PEP.ph (Philippine Entertainment Portal) at ibang reporters si Julie Anne sa mediacon ng The Clash noong June 11, 2025.

Ginanap ang presscon sa ballroom ng Luxent Hotel sa Timog Avenue sa Quezon City.

JULIE ANNE SAN JOSE ON THE CLASH

Hosts sina Julie Anne at Rayver ng The Clash, ang reality singing competition sa GMA-7.

Nakaka-relate daw si Julie Anne dahil produkto rin siya ng singing contest, ang Popstar Kids noong 2005.

“Naalala ko yung childhood ko kasi nung bata ako, yun, naging Popstar Kids, alam naman ng lahat na dumaan din talaga ako dun.

“Tapos kahit na sabihing competition yun, siyempre ine-enjoy na din namin yung youth namin, tapos nagagawa namin yung mga gusto naming gawin.

“Like, bata kami pero kumakanta kami, sumasayaw kami, nagpe-perform kami.”

Mas na-enjoy lang daw niya yung karanasang sumali sa contest.

“Parang kasi more than a competition, parang hindi kasi namin iniisip yung ganun. Wala kaming rivalry sa isa’t isa.

“Tapos yung the fact na kunwari may isang may sakit, talagang, ‘Hindi, okay lang yan, iano mo na lang.’

“Binibigyan namin ng encouragement ang isa’t isa para ipagpatuloy yung performance, or kung anumang technique yung gagawin namin para sa mas mabuting performance.”

Ganoon din daw ang nakikita niya sa Clashers ngayon.

“Nakaka-inspire, especially seeing the Clashers. Witness kami na magkakaibigan itong mga ito.

“Lahat ng dumaan sa The Clash, talagang magkakaibigan na rin sila. Parang naging isang pamilya na rin kasi kami.

ADVERTISEMENT – CONTINUE READING BELOW ↓

“Parang, ‘Okay, competition ito.’ Pagdating ko sa Clash Arena, ‘Okay, gagawin ko yung best ko, pero okay tayo, friends naman tayo.'”

FIRST-TIME CLASHERS VS. CLASHBACKERS

Umere ang pilot episode ng The Clash noong June 8, 2025.

Hosts sina Julie Anne at Rayver; at mga hurado naman sina Lani Misalucha, Christian Bautista, at Ai-Ai delas Alas.

Napapanood tuwing Linggo, 7:15 P.M., ang first-time contestants ng The Clash na sina Adelle Yu, Carlos Florez, Divine Camposano, Jan Echavarria, Jayce San Rafael, at Juary Sabith.

Kasama rin sina Liafer Deloso, Leigh Atienza, Marian Pimenta, Mitzi Josh, Scarlet Yape, at Venus Pelobello.

Makalalaban nila ang mga Clashbackers, o labindalawang contenders na nagmula sa mga nakalipas na season ng singing competition.

Ito ay sina Vilmark, Renz Robosa, Jennifer Maravilla, Arabelle dela Cruz, Nef Medina, Lyra, Bea, Liana Castillo, Zyrene Ciervo, Allain Maristela Gatdula, Tombi Romulo, at Jong Madaliday.