Ara Mina on Cristine Reyes new BF: “Matagal ko nang kilala yun.”
Ara Mina no statement on controversial partymate Sarah Discaya.
Ara Mina on supporting younger sister Cristine Reyes’s new lovelife: “Basta sabi ko, ‘Nandito lang ako, basta happy ka, okay kami.'”
PHOTO/S: @therealaramina Instagram / @giotingson Instagram
Bago pa man magsimula ang panayam kay Ara Mina ay naglambing na itong walang personal na tanong.
Nahulaan niya marahil na may balak kaming itanong sa kanya ang tungkol sa napakakontrobersyal na si Sarah Discaya.
Si Discaya ay kaalyado ni Ara noong May 2025 elections. Si Discaya ay kumandidatong alkalde ng Pasig City at si Ara ay tumakbong konsehal.
Kapwa sila hindi pinalad.
At ngayon nga ay nasa sentro ng national issue si Discaya, dahil dawit ang negosyo ng huli sa diumano’y maanomalyang flood control projects sa bansa.
ARA MINA ON CRISTINE REYES’S NEW BEAU
Natanong na lang si Ara sa bagong lovelife ng kapatid niyang si Cristine Reyes.
Na-meet na ba ni Ara ang bagong kasintahan ng kanyang kapatid?
“Ah, ano ba? Ewan ko!” natatawang sagot muna ni Ara.
Sabay dagdag niya, “Matagal ko nang kilala yun, kung sino man yung nali-link sa kanya, kasi matagal na niyang kaibigan yun.”
ADVERTISEMENT – CONTINUE READING BELOW ↓
Boto si Ara dito?
“He’s okay, he’s fine, oo,” simpleng sagot ni Ara.
Pagdating sa buhay pag-ibig ng kapatid, si Cristine lang naman daw ang may hawak nito.
Sabi ni Ara, “Basta sabi ko, ‘Nandito lang ako, basta happy ka, okay kami.'”
Noong Abril 2025 napabalita ang hiwalayan ni Cristine sa nobyong si Marco Gumabao.
Makalipas ang tatlong buwan, noong Hulyo 2025, namataan si Cristine na kasamang nagbakasyon sa Vietnam ang isang non-showbiz guy.
Natukoy ang lalaki na si Gio Tiongson, dating chair ng National Youth Commission.
Kamakailan ay umamin naman si Cristine na may dine-date siya, pero di niya pinangalanan kung sino.
Nakausap si Ara ng press sa Azadore Restaurant sa Quezon City, kunsaan ginanap ang victory party ng Mamay Productions noong August 23, 2025.
CONTINUE READING BELOW ↓
NOOD KA MUNA!
ARA MINA ON NOT WINNING AT 73RD FAMAS
Samantala, hiningan din ng reaksiyon si Ara sa resulta ng 73rd FAMAS.
Nominado siya bilang Best Actress para sa pelikulang Mamay: A Journey to Greatness, pero hindi siya pinalad na manalo.
Noong 2004, nanalong FAMAS Best Actress si Ara para sa 2003 film na Ang Huling Birhen Sa Lupa.
Pahayag ni Ara: “Siyempre okay lang kahit hindi ako pinalad, kasi ma-nominate ka lang, sa dami ng mga movies nitong nakaraang taon.
“E, puwedeng maraming ma-nominate, pero mapili ka, sobrang ano na yun, laking factor.
“Akala ko nga sa supporting ako, kasi support naman talaga ako dito.”
Ang mga nakalaban niya sa Best Actress category ay sina Judy Ann Santos, Kathryn Bernardo, Julia Montes, Rebecca Chuaunsu, at Marian Rivera.
Kaya natuwa raw si Ara sa mga kahanay niyang mga nominado.
Si Marian ang nagwaging Best Actress para sa Cinemalaya 2024 movie na Balota.
ADVERTISEMENT – CONTINUE READING BELOW ↓
“Hindi ko nga napanood, e, pero I think she deserves it, nababalitaan ko sa reviews,” saad ni Ara.
MAMAY WINS FIVE AWARDS
Humakot naman ng awards sa FAMAS ang Mamay para sa ibang kategorya.
Kabilang dito ang Best Supporting Actor (Jeric Raval); Best Production Design (Cyrus Khan); Best Cinematography (Gilbert Obispo); Best Musical Score (Neal “Buboy” Tan); Best Original Song (Hamon by Gerald Santos composed by Vehnee Saturno); at Film Producer of the Year (Nunungan, Lanao del Norte Mayor Marcos Mamay of Mamay Productions)
“Oo nga! Kasi yung story talaga, kakaiba yung story ni Mayor, kaya tinanggap ko rin ‘to.
“At saka nakita niyo naman ako, nag-Muslim outfit talaga ako diyan, yun. Tapos yung mga suot ko diyan na jihab, kay wife talaga ni Mayor yun, pinahiram niya sa akin.
“First time ko nagsuot dito sa Mamay, and then second time sa Fatherland.”
