Sabrina M. cries foul over Vice Ganda’s joke about her dark past
Sabrina M. accuses Vice Ganda of bullying.
Sabrina M. (left) on Vice Ganda (right): “And just because si Vice Ganda ka, gaganyanin mo na lang yung mga tao. Huwag naman, huwag kang mabuhay sa pang-iinsulto ng kapwa mo. Pangit. Huwag mong gawin na pangkabuhayan mo yan. Para lang may mapagtawanan kayo, gaganyanin mo yung mga tao? Hindi po nakakatuwa. Hindi porke’t si Vice Ganda ka, e, entitled ka nang ganyanin ang kapwa mo. Mali.”
PHOTO/S: Sabrina M Facebook / Vice Ganda Instagram
Pinaratangang nakikisawsaw sa isyu ang dating sexy actress na si Sabrina M. dahil sa Facebook post nito para kay Vice Ganda.
Nakasaad sa post ni Sabrina kahapon, Agosto 12, 2025: “Makapagpatawa ka lang kahit may matapakan kang mga tao???
“It’s very wrong..pwede ka magpatawa ng wala kang lalaitin o matatapakan…from comedy bar to noontime show to concert…haist…VERY WRONG.”
Kalakip nito ang isang lumang litrato ni Vice.
ADVERTISEMENT – CONTINUE READING BELOW ↓
May mga nag-akalang may kinalaman ang post ni Sabrina sa kontrobersiyal na “jet ski holiday” joke ni Vice tungkol kay former Philippine President Rodrigo Duterte sa Super Divas concert nila ni Regine Velasquez sa Araneta Coliseum noong Agosto 8, 2025.
Ito ang hinihinalang dahilan kaya binatikos at inakusahan ng pakisawsaw ng mga tagasuporta ng comedian-TV host ang dating sexy star.
SABRINA M. CLARIFIES POST ABOUT VICE GANDA
Sa eksklusibong panayam ng PEP.ph (Philippine Entertainment Portal) kay Sabrina ngayong Miyerkules, Agosto 13, 2025, nilinaw nitong ang kanyang social media post ay walang kinalaman sa “jet ski holiday” joke ni Vice.
Ayon kay Sabrina, “pinaglaruan” siya ni Vice sa concert.
Ang tinutukoy ni Sabrina ay ang bahagi ng concert kung saan tinanong ni Vice si Regine kung sino ang paborito nitong Gen Z singer.
Ganito ang naging pag-uusap nina Vice at Regine…
Vice: “Sinong favorite mo ba?”
CONTINUE READING BELOW ↓
Regine: “Gusto ko si Sabrina.”
Vice: “Sabrina M., yung nakaaway ni Rosanna Roces sa The Buzz dahil sa pustisong ipin? Di ba nakaaway dati si Rosanna? At si Sabrina M. kasi pustiso yung ngipin niya. Yung nahuli?”
Regine: “Hindi.”
Vice: “Sinong Sabrina?
Regine: “Sabrina, yung kapitbahay niyo… may sariling album.”
Vice: “Sabrina Carpenter…”
ADVERTISEMENT – CONTINUE READING BELOW ↓
Naglabas ng sama ng loob sa PEP si Sabrina tungkol sa pag-ungkat umano ni Vice ng kanyang madilim na nakaraan.
Paliwanag ni Sabrina: “Nag-react ako dahil pati ako, pinaglaruan niya…
“Ang sa akin lang, ang ipinupunto ko, bakit kailangan mo pang sabihin na nahuli?
“Pati yung nahuli, babanggitin mo pa? Tapos na yun, e.
“Kahit sinong tao, hangga’t maaari, ayaw nang balikan yung madilim na nakaraan. Kasi ako, nagmu-move on na ako ngayon.
“Bakit kailangan na mangganun siya ng kapwa niya? To think na kapwa niya kami artista.
“Bakit kailangan mong ibalik nang ibalik yung nakaraan ng tao? Wala na yun, e. Kumbaga, burado na yang isyu na yan.”
Himutok pa niya: “Kung siya ba, kung sakali, kung balikan ko siya na, ‘Yung tatay mo, pinatay nga, binaril.’ Di ba? Anong mararamdaman niya?
“Kasi yun, madilim na nakaraan din niya yon. Matutuwa ba siya kapag ginanoon siya ng kapwa niya?”
ADVERTISEMENT – CONTINUE READING BELOW ↓
SABRINA M. ACCUSES VICE GANDA OF BULLYING
Para kay Sabrina, isang klase ng pambu-bully ang ginawa sa kanya ni Vice kaya pumasok daw sa isip niyang maaaring biktima rin ng bullying ang It’s Showtime host noong kabataan nito.
Dismayadong pahayag ng dating sexy star: “And just because si Vice Ganda ka, gaganyanin mo na lang yung mga tao.
“Huwag naman, huwag kang mabuhay sa pang-iinsulto ng kapwa mo. Pangit.
“Huwag mong gawin na pangkabuhayan mo yan. Para lang may mapagtawanan kayo, gaganyanin mo yung mga tao? Hindi po nakakatuwa.
“Hindi porke’t si Vice Ganda ka, e, entitled ka nang ganyanin ang kapwa mo. Mali.”
Dagdag ni Sabrina: “Parang naiisip ko, siguro nung bata siya, lumaki siya na binu-bully, kaya ngayon, gumaganti siya.
“Nambu-bully na rin siya ng kapwa niya. Yung ginagawa niya is another form of bullying.
“Sorry, ha, pero sa hitsura niya, for sure binu-bully rin siya dati.”
ADVERTISEMENT – CONTINUE READING BELOW ↓
Nakadagdag daw sa sakit ng kalooban ni Sabrina ang reaksiyon ng kanyang mga anak sa pag-ungkat ni Vice tungkol sa isang maselang isyu na dahilan umano ng pagkakaroon niya ng trauma.
“Even yung mga anak ko, nasasaktan,” sabi niya.
“Bakit ganoon? Bakit kailangan i-brought up pa yan? Bakit kailangang paglaruan ka sa show?
“May pakiramdam kami. May puso kami na nasasaktan.
“Tapos dun pa sa Araneta Coliseum na napakaraming tao? Ang daming kamera. Babanggitin mo pa ba yung ganoon?”
Himutok pa ni Sabrina: “Hindi na dapat dahil hindi niya alam kung ano ang pinagdaanan ko nung time na nahuli ako. Hindi rin niya alam ang true story sa nangyari na yon.
“Mas pinili ko na lang po na… kumbaga, nung time na yon nahuli ako, hindi mo alam kung ano ba talaga ang totoong nangyari.
“Hindi nga niya alam kung bakit ako na-frame up. Hindi niya alam kung gaano kasakit sa akin ang isyu na yan.
ADVERTISEMENT – CONTINUE READING BELOW ↓
“Until now, kapag bumabalik sa akin, ang sakit. May trauma po ako sa pangyayari na yon kaya hindi na kailangan balik-balikan.
“Ang tagal na para balikan mo pa yung isyu.
“Na parang yung pagkabitaw niya ng ‘Si Sabrina, yung nahuli,’ ganun lang ba kasimple sa yo yun?
“Na hindi niya alam kung ano ang impact sa akin.”
NOT ABOUT VICE GANDA-DUTERTE ISSUE
Sa huli, muling iginiit ni Sabrina na hindi siya nakikisawsaw sa isyu tungkol kina Vice at Duterte.
“Wala akong pakialam sa Duterte issue nila, about DDS or ano pa man,” diin niya.
“Bakit ko ipagtatanggol si Duterte? Duterte time nung nahuli ako, war on drugs noon.
“Noong una po, galit ako. Bakit ganoon, nanghuhuli kayo ng mga taong wala naman talagang kasalanan.
“Kasi kung babalikan po yung paghuli sa akin noon, frame up lahat yon. Negative po ako sa lahat, kahit maghalungkat sila.
ADVERTISEMENT – CONTINUE READING BELOW ↓
“Hindi nila alam kung gaano kahirap at kasakit sa akin yung pangyayari tapos babalikan niya nang ganoon lang?”
Bukas ang PEP sa panig ni Vice Ganda kaugnay ng mga pahayag ni Sabrina M. tungkol sa isyung ito.
News
Wedding Cake ni Carla Abellana, Tinutukso ng Meme ni Janus del Prado at Netizens! Paano Tinugon ng Bagong Kasal ang Hugis ‘Kabaong’ na Isyu at Bakit Sinasabing ‘Para Sa Amin, Maganda Siya’—Alamin ang Lahat ng Dramatikong Reaksyon sa Social Media
Walang makakapigil sa kasiyahan ng bagong kasal na si Carla Abellana kasama ang kanyang high school sweetheart na si Dr. Reginald Santos. Ngunit kamakailan lamang, ang simpleng detalye ng kanilang kasal—ang wedding cake—ay naging sentro ng online drama at tawanan….
Babala sa 2026: Alleged Masamang Plano at Political Intrigue sa Kongreso! Paano Sinusubukang Patalsikin ang House Speaker at Bakit Pinangangambahan ng Publiko ang Impeachment ng VP Sarah Duterte—Alamin ang Buong Detalye ng Matinding Labanan sa Likod ng Kulungan at Opisina ng Gobyerno
Ngayong bagong taon ng 2026, nagkakaroon na naman ng matinding ingay sa politika sa Pilipinas. Maraming netizens at political observers ang nag-aalala matapos lumabas ang mga ulat tungkol sa umano’y masamang plano para sa ilang pangunahing opisyal ng gobyerno. Isa…
BTS Bumabalik sa 2026! PHILIPPINES Kasama sa Listahan ng World Tour—Magkakaroon ng Eksklusibong Concert sa Manila! Alamin Kung Paano Naghanda ang ARMY Para sa Pinakahihintay na Comeback ng K-pop Supergroup sa Bagong Taon at Bakit Excited ang Bawat Pinoy Fan!”
Pilipinas, maghanda na! Ang pinakamalaking K-pop phenomenon sa mundo, ang BTS, ay opisyal nang nagbigay ng pahiwatig ng kanilang comeback ngayong 2026, at kasama sa kanilang world tour ang ating bansa. Isang pangyayaring nagpasabog sa social media at nagpaiyak sa…
Serena Dalrymple: Mula sa Sikat na Commercial at Mga Premyadong Pelikula Hanggang sa Buhay na Binaraha ng Pagkawala ng Mga Magulang Nang Maaga, At Pag-aalaga sa Kanyang Mga Kapatid—Ngunit Ang Tunay na Nakatulong Sa Kanya Upang Malampasan ang Lahat ng Pagsubok, Magtagumpay, at Matagpuan ang Kaligayahan Bilang Isang Ina at Asawa ay May Lihim na Hindi Pa Alam ng Nakararami… Tuklasin sa Link sa Comments…
Si Serena Dalrymple ay isang pangalan na agad nagpapaalala sa mga Pilipino ng dekada 90 at maagang 2000s – isang batang artista na sumikat dahil sa kanyang mga makukulay na commercial at mga pelikulang pinapurihan ng mga kritiko. Ngunit sa…
Chris Aquino Ginulat ang Lahat Nang Magbahagi ng Nakakabigla at Nakakalungkot na Update Tungkol sa Kalagayan ng Kanyang Anak Bimbe—Paano Na Nga Ba ang Kanilang Mag-iina? Alamin ang Buong Detalye na Nagpaiyak at Nagpagulantang sa Buong Publiko!
Muling nabigla ang publiko nang magbahagi ng isang emosyonal at nakakaantig na post sa Instagram si Chris Aquino noong December 29, 2025. Sa kabila ng mga masasayang larawan na madalas niyang ibahagi sa social media, ngayon ay ibang-iba ang tono….
Three Generations of Exorcists Lived in Poverty: In My Generation, I Use SCIENCE to Catch Ghosts
My family has been in the spiritual cleansing business for three generations. My grandfather was a celestial master, living a pure life. After exorcising spirits, he only accepted two sweet potatoes as a token of gratitude.By the end of his…
End of content
No more pages to load
