shocking news: Nora Aunor Foundation Launches—But Son Ian de Leon Publicly Denies Any Involve
Nora Aunor Foundation ‘di kinikilala ni Ian de Leon
Nagsisimula pa lang ang Nora Aunor Foundation pero tila nabahiran na agad ito ng isyu.
Naglabas ng official statement ang isa sa mga anak ng superstar na si Ian de Leon sa kaniyang Facebook account na wala siyang anumang kaugnayan sa nasabing foundation.
Idinaan ni Ian sa kaniyang Facebook post, na may pangalang Kristoffer Ian de Leon, ang pahayag na nagsasabing hindi niya sinusuportahan ang sinuman, organisasyon o pundasyon gamit ang pangalan ng kaniyang ina.
Narito ang kabuuang opisyal na pahayag ni Ian, “Ako po ay lubos na nagpapasalamat sa suporta ng aking pamilya, mga kaibigan, mga tagahanga at publiko. Taos puso kong pnapahalagahan ang patuloy ninyong pagmamahal at paggunita sa aking ina, ang yumaong Ms. Nora Aunor.”
“Gayunpaman, nais ko pong magbigay ng isang mahalagang paglilinaw tungkol sa mga lumalabas sa social media na may kaugnayan sa aking ina.”
“Para po sa kaalaman ng lahat wala po akong anumang kaugnayan o pakikilahok sa anumang pundasyon, organsisasyon, o grupo na nagsasabing sila ay kumakatawan sa kanyang pangalan, imahe o pamana.”
“Dahil dito, hindi ko kinikilala, sinusuportahan, o pinahihintulutan ang anumang uri ng pangangalap o pagtanggap ng donasyon-salapi man o anumang bagay-mula sa alinmang grupo na may kaugnayan sa kanyang pangalan.”
“Ang pahayag na ito ay inilalabas para sa kapakanan ng malinaw na impormasyon at upang mapangalagaan ang dignidad at pamana ng aking ina.
Maraming salamat po sa inyong pag-unawa.”
Napabalitang isa sa mga bumuo ng The Nora Aunor Foundation ay ang panganay na anak ni Ate Guy na si Lotlot De Leon.
Sa comment ng post, nagtanong ang kaibigan ni Lotlot na si Shyr Valdez sa FB account name nitong Cecille Cobarrubias.
“Hi Ian. I know where your Ate Balot is coming from, and that’s to continue the beautiful legacy of your Mom. Can i ask what is your reason for not supporting this? Just curious.”
Wala pang sagot o statement si Lotlot sa pagdistansya ni Ian sa nabanggit na foundation. (Rey Pumaloy)
