Matet de Leon hurt by insensitive comments during live selling
Matet de Leon: “Babawasan ko na yung pagbabasa ng comments.”
Matet de Leon admits being hurt by comment of a netizen during her live selling on TikTok: “Kaya ako na-badtrip kahapon because of that one person na walang puso at napakawalanghiya, okay. Pero yung pagla-live sell, I love it.”
PHOTO/S: TikTok
Nagpaliwanag si Matet de Leon tungkol sa pag-iyak niya habang nagla-live selling sa TikTok kahapon, June 29, 2025.
Sa snippets na lumabas, habang nagpapaliwanag si Matet sa presyo ng set ng corned beef, saglit siyang napatigil sa pagsasalita.
Makalipas ang ilang sandali ay napaluha ang aktres matapos mabasa ang mga komento ng ilang netizens.
Hindi binanggit ni Matet kung ano ang nilalaman ng kanyang mga nabasang komento, pero mahihinuhang na-upset siya habang patuloy sa pagbebenta ng mga produktong nasa harapan niya.
Ayon sa ipinost na screenshot ng netizen na may handle name na @j.jreau sa Threads, ang komento na nabasa ni Matet ay “Wala na kayo project?”
Photo/s: Courtesy: @j.jreau on Thread
ADVERTISEMENT – CONTINUE READING BELOW ↓
Ang isa pang komento ay tungkol naman sa namayapang ina ni Matet na si Superstar Nora Aunor.
Walang prenong komento ng basher, “Suplada to kaya iniwan ni ate guy.”
Photo/s: Courtesy: @j.jreau on Thread
Pagsita naman ng uploader, “May mga tao talaga na nung nagsaboy ng kasamaan ng ugali e sinalo nya lahat. Naghahanap buhay ng maayos si Matet. ”
CONTINUE READING BELOW ↓
NOOD KA MUNA!
MATET DE LEON EXPLAINS CRYING INCIDENT DURING LIVE SELLING
Sa kanyang TikTok account ngayong Lunes, June 30, nagpaliwanag si Matet sa nangyari habang siya ay nagbebenta ng mga produkto.
Saad niya: “Gusto ko lang ipaalam sa inyong lahat, ‘no, yung nangyari kahapon na medyo naiyak ako sa live.
ADVERTISEMENT – CONTINUE READING BELOW ↓
“Hindi ako naiyak sa live dahil nahihiya ako mag-live. Okay?
“Kasi ako, proud na proud na proud ako maging live seller ng TikTok ng mga brands na pinaniniwalaan ko, okay?
“Sobra at sobrang saya ko din mag-live, okay, na kahit may pinagdadaanan, kung anuman yan, nagla-live ako. I show up, okay.
“Nagso-show up ako, humaharap ako sa inyo na maayos, nagla-live ako nang maayos. Happy ako sa pagla-live, sobra.”
Pero may isa umanong netizen na nagkomento nang hindi maganda at hindi nakayanan ng kanyang damdamin.
Hindi niya tinumbok kung ano ang komentong iyon.
Saad ni Matet: “Kaya ako na-bad trip kahapon because of that one person na walang puso at napakawalanghiya, okay.
“Pero yung pagla-live sell, I love it.
“Kaya gusto kong mag-thank you doon sa mga taong maayos, pagka-live. Gusto kong mag-thank you sa inyo, yung mga sumusuporta pag may live ako, lalo na yung mga suki ko.
“Akala ninyo, hindi ko kayo nakakalimutan, ‘no?
ADVERTISEMENT – CONTINUE READING BELOW ↓
“So thank you, thank you, thank you everybody for being nice to me, pagiging maayos.”
Sa ngayon daw ay natuto na siyang bawasan ang pagbabasa o hindi na magbasa ng mga komento habang siya ay nagla-live selling.
Sabi ni Matet: “Masasabi ko lang doon sa mga talagang gusto lang mamikon, ‘no, sa taong nagtatrabaho lang nang maayos at ginagawa yung gustong-gusto niya, e, wala, babawasan ko na yung pagbabasa ng comments.
“And I will do my best para hindi masira yung trabaho kong gustung-gusto kong ginagawa nang dahil sa inyo.
“Again, thank you everybody sa mga sumusuporta. Salamat sa inyong lahat.”
