MC and Lassy also missing in action at Vice Ganda’s comedy club
Netizens suspect that the absence of Lassy (left) and MC (center) in It’s Showtime for weeks now has something to do with Vice Ganda (right) reprimanding MC during their vacation in Coron, Palawan.
PHOTO/S: ABS-CBN Online
Tuluyan na bang nilisan ng comedy duo na sina MC Muah Calaquian at Lassy Marquez ang It’s Showtime at maging ang comedy bar na pag-aari ni Vice Ganda?
Ilang linggo na kasing hindi napapanood ang dalawang komedyante sa Kapamilya noontime show, kung saan naging regular co-hosts sila mula noong 2024.
Hindi na rin nagpe-perform sa Vice! Comedy Club ang dalawa.
Iniuugnay ang absence nina MC at Lassy sa It’s Showtime at sa Vice! Comedy Club sa paninita ni Vice kay MC sa isang YouTube vlog.
Kuha ang vlog sa bakasyon nila sa Coron, Palawan, kasama ang iba pang mga kaibigan.
MC AND LASSY NO LONGER PART OF VICE! COMEDY CLUB?
Sina MC at Lassy ay kasama sa list of regular performers sa Vice! Comedy Club.
May katungkulan din dito si MC.
Pero napag-alaman ng PEP.ph (Philippine Entertainment Portal) na simula ngayong Hunyo ay “missing in action” o MIA na sina MC at Lassy sa comedy bar ni Vice.
ADVERTISEMENT – CONTINUE READING BELOW ↓
Sa FB account ng Vice! ay regular na ina-announce kung sinu-sino ang mga magtatanghal gabi-gabi.
Ang huling appearance ni MC sa Vice! ay noong May 23, Biyernes.
Si Lassy naman ay huling napanood doon noong May 24, Sabado.
Sa mga nakalipas na buwan, parating kasama sina MC at Lassy sa show schedules ng comedy bar.
Tinawagan ng PEP.ph (Philippine Entertainment Portal) ang nakasaad na contact number ng Vice! Comedy Club ngayong Huwebes ng gabi, June 12.
Kinumpirma ng sumagot sa aming tawag na wala nga recently sa list of performers nila sina MC at Lassy.
Nilinaw ng nakausap ng PEP na responsable lang sila sa pagpo-post ng listahan ng performers na ipinapadala sa kanila.
MC AND LASSY STILL ACTIVE ON SOCIAL MEDIA
Samantala, nananatili namang aktibo si MC sa kanyang social media accounts, gaya ng Facebook at Instagram.
May recent IG posts ito. Nire-repost din niya ang links ng vlogs nila ng Beks Battalion — ang comedy trio nila nina Lassy at Chad Kinis.
CONTINUE READING BELOW ↓
Rhian Ramos, naranasan bang mag-audition noon? | PEP Interviews
Nagpo-promote din si Lassy ng recent video content ng Beks Battalion.
Hiningan namin ng reaksiyon si MC ukol sa isyu sa pamamagitan ng pag-iwan ng mensahe sa Instagram. Hinihintay pa namin ang kanyang sagot.
Nagpadala rin ang PEP ng direct message kay Vice Ganda para sa kanyang pahayag hinggil sa isyu.
VICE CONFRONTS MC
Sa May 21, 2025 vlog ni Vice, tampok ang bakasyon nilang magkakaibigan sa Coron, Palawan.
Kabilang sina MC at Lassy sa mga kasama niya.
Sa isang bahagi ng video, nakaupo ang magkakaibigan sa may tabing-dagat at nagtatanungan ng random questions.
Kinuha ni Vice ang pagkakataon para sitahin si MC dahil hindi umano ito marunong makisama.
May mga insidenteng pinaghihintay raw ni MC ang grupo, tulad sa oras ng pagkain o bonding sessions.
Punto ni Vice, kaya sila nagbakasyon ay para magkasama-sama sila.
Harapang sinabi ni Vice na “buwisit” siya kay MC.
ADVERTISEMENT – CONTINUE READING BELOW ↓
Sa pagtatapos ng video, nagyakapan naman ang dalawa. Emosyonal si MC.
Vice Ganda and MC Muah in Coron, Palawan
Photo/s: Courtesy: Vice Ganda on YouTube
Hinala ng netizens, may kinalaman ang eksenang iyon sa pagliban nina MC at Lassy sa It’s Showtime nitong mga nakalipas na linggo.
Hati ang reaksiyon ng netizens.
ADVERTISEMENT – CONTINUE READING BELOW ↓
May mga kumampi kay Vice, at meron ding pumuna sa ginawa niya kay MC.
Nabanggit naman sa ulat ng Cabinet Files na “kusang-loob na nagpahinga” sina MC at Lassy mula sa noontime show.
HOW LASSY STARTED PERFORMING IN COMEDY BARS
Nagkuwento si Lassy tungkol sa kanyang life story sa YouTube vlog ni Julius Babao na na-upload noong June 10, 2025.
Ayon kay Lassy, established name na si Vice sa larangan ng comedy nang pasukin niya ang pagiging stand-up comedian sa comedy bars.
Mula sa pagpe-perform sa maliliit na comedy bars, napansin si Lassy ng manager ng kilalang comedy bars sa Quezon City, tulad ng Punchline at Laffline.
Inimbitahan si Lassy na mag-audition.
“Sa loob-loob ko, ‘My God, nandito lahat ng sikat. Dito ang magagaling, dito ang mga may pangalan.
Kabilang daw noon sa mga kilala sina Vice Ganda, Ethel Booba, at ang yumaong komedyante na si Chokoleit.
ADVERTISEMENT – CONTINUE READING BELOW ↓
“At natatakot din ako. Balita kasi andiyan yung mga dragon [diva],” pagbabalik-tanaw ni Lassy.
Bagama’t kabado, tinanggap ni Lassy ang imbitasyon sa kondisyong isama ang dalawa pa niyang kasamahan, isa rito si MC.
Kuwento ni Lassy: “Sabi ko, kung hindi ako magta-try, walang mangyayari sa akin.
“E, ako lang ang kinukuha. Sabi ko kay MC, ‘Halika, audition tayo doon.’
“So, pinakiusapan ko na, ‘Sige po, pero may kasama ako.’
“Natatakot pa kami kasi si Vice nanonood sa amin, saka yung may-ari.”
Sa pagpe-perform, pinaghiwalay sina MC at Lassy. Naranasan daw nila ang “pagiging dragon” sa kanila ng kilalang performers noon.
“Yun pala, ginagawa nila yung pananakot sa amin. Ginagawa nila yung ganoong training para daw matibay kami.
“Kailangan matibay ka. Sanay ka sa asaran, sanay ka kung hanggang saan ang dibdib mo.”
Kalaunan, ayon kay Lassy, “Nakasama na namin ang mga sikat, naging kaibigan na namin, yun na.”
Matapos iyon ay pinasok na rin ni Lassy ang pag-arte.
ADVERTISEMENT – CONTINUE READING BELOW ↓
Una niyang naging teleserye ang May Minamahal na pinagbidahan nina Anne Curtis at Oyo Sotto sa ABS-CBN noong 2007.
HOW MC AND LASSY BECAME REGULARS IN IT’S SHOWTIME
Nabanggit din ni Lassy kung paano sila naging regular ni MC sa It’s Showtime.
Kuwento niya: “Nagkaroon lang kami ng event ni Vice at ni MC sa Okada pa yun.
“Tapos, biglang sinabi, ‘O, ano, ha, maggi-guest lang kayo ng one week sa Showtime. ‘Ah, sige, sige, one week.’
“Hanggang sa, ‘O, sige, gawin nating two weeks.’ Nag-two weeks na.
“Hanggang sa… ito October, nag-birthday yata ako. In-announce ni Vice na parang, ‘O, regular na sila dito.’”
Kaswal daw ang pagkakasabi sa kanila na magiging regular na sila sa It’s Showtime.
“Ayun, dun na nag-start,” sabi ni Lassy.
“Hanggang sa nagtayo na nga si Vice ng Vice! Comedy Club, andun na kami. Nagpatuloy na lahat-lahat.”
Bilang pagtatapos, binanggit ni Lassy ang mga taong nais niyang pasalamatan.
ADVERTISEMENT – CONTINUE READING BELOW ↓
Isa na rito si Vice Ganda.
Sabi niya: “Syempre, si Vice, maraming salamat din.
“At sa family ng It’s Showtime, pinasasalamatan ko din silang lahat.
“At sa lahat ng comedy bars na pinagtrabahuan ko, at sa lahat ng mga kaibigan kong malalapit sa akin.”
News
Wedding Cake ni Carla Abellana, Tinutukso ng Meme ni Janus del Prado at Netizens! Paano Tinugon ng Bagong Kasal ang Hugis ‘Kabaong’ na Isyu at Bakit Sinasabing ‘Para Sa Amin, Maganda Siya’—Alamin ang Lahat ng Dramatikong Reaksyon sa Social Media
Walang makakapigil sa kasiyahan ng bagong kasal na si Carla Abellana kasama ang kanyang high school sweetheart na si Dr. Reginald Santos. Ngunit kamakailan lamang, ang simpleng detalye ng kanilang kasal—ang wedding cake—ay naging sentro ng online drama at tawanan….
Babala sa 2026: Alleged Masamang Plano at Political Intrigue sa Kongreso! Paano Sinusubukang Patalsikin ang House Speaker at Bakit Pinangangambahan ng Publiko ang Impeachment ng VP Sarah Duterte—Alamin ang Buong Detalye ng Matinding Labanan sa Likod ng Kulungan at Opisina ng Gobyerno
Ngayong bagong taon ng 2026, nagkakaroon na naman ng matinding ingay sa politika sa Pilipinas. Maraming netizens at political observers ang nag-aalala matapos lumabas ang mga ulat tungkol sa umano’y masamang plano para sa ilang pangunahing opisyal ng gobyerno. Isa…
BTS Bumabalik sa 2026! PHILIPPINES Kasama sa Listahan ng World Tour—Magkakaroon ng Eksklusibong Concert sa Manila! Alamin Kung Paano Naghanda ang ARMY Para sa Pinakahihintay na Comeback ng K-pop Supergroup sa Bagong Taon at Bakit Excited ang Bawat Pinoy Fan!”
Pilipinas, maghanda na! Ang pinakamalaking K-pop phenomenon sa mundo, ang BTS, ay opisyal nang nagbigay ng pahiwatig ng kanilang comeback ngayong 2026, at kasama sa kanilang world tour ang ating bansa. Isang pangyayaring nagpasabog sa social media at nagpaiyak sa…
Serena Dalrymple: Mula sa Sikat na Commercial at Mga Premyadong Pelikula Hanggang sa Buhay na Binaraha ng Pagkawala ng Mga Magulang Nang Maaga, At Pag-aalaga sa Kanyang Mga Kapatid—Ngunit Ang Tunay na Nakatulong Sa Kanya Upang Malampasan ang Lahat ng Pagsubok, Magtagumpay, at Matagpuan ang Kaligayahan Bilang Isang Ina at Asawa ay May Lihim na Hindi Pa Alam ng Nakararami… Tuklasin sa Link sa Comments…
Si Serena Dalrymple ay isang pangalan na agad nagpapaalala sa mga Pilipino ng dekada 90 at maagang 2000s – isang batang artista na sumikat dahil sa kanyang mga makukulay na commercial at mga pelikulang pinapurihan ng mga kritiko. Ngunit sa…
Chris Aquino Ginulat ang Lahat Nang Magbahagi ng Nakakabigla at Nakakalungkot na Update Tungkol sa Kalagayan ng Kanyang Anak Bimbe—Paano Na Nga Ba ang Kanilang Mag-iina? Alamin ang Buong Detalye na Nagpaiyak at Nagpagulantang sa Buong Publiko!
Muling nabigla ang publiko nang magbahagi ng isang emosyonal at nakakaantig na post sa Instagram si Chris Aquino noong December 29, 2025. Sa kabila ng mga masasayang larawan na madalas niyang ibahagi sa social media, ngayon ay ibang-iba ang tono….
Three Generations of Exorcists Lived in Poverty: In My Generation, I Use SCIENCE to Catch Ghosts
My family has been in the spiritual cleansing business for three generations. My grandfather was a celestial master, living a pure life. After exorcising spirits, he only accepted two sweet potatoes as a token of gratitude.By the end of his…
End of content
No more pages to load
