Sa wakas ay binasag na ni Yen Santos ang kanyang katahimikan tungkol sa kanyang huling relasyong nauwi sa hiwalayan.

Hindi man niya pinangalanan, pero hindi lingid sa publiko na si Paolo Contis ang huling nakarelasyon ni Yen.

Ginawa ito ni Yen sa unang episode ng kanyang vlog na inilabas niya ngayong hapon ng Miyerkules, July 23, 2025.

Pero bago ito, kinamusta muna si Yen ng kanyang team kung kamusta na ang lagay ng kanyang buhay.

Saad niya, “Right now, I’m at peace, and for me that’s one of the most important things I have.

“You know, it means a lot to finally feel this kind of calm. Payapa, e. Maayos ang takbo ng buhay. Payapa yung isip ko, yung utak ko, yung paligid ko. Mas at peace talaga.”

Handa na ba siyang pag-usapan ang mga kontrobersiyang kinasasangkutan niya?

Ani Yen, “Yes, okay ng pag-usapan yun ngayon because feeling ko, enough time has passed.

ADVERTISEMENT – CONTINUE READING BELOW ↓

“Nakapag-reflect na ako. Madami na akong natutunan doon sa nangyari.

“And para din masabi ko lang din yung side ko, hindi para i-justify. Para lang din maging honest and transparent.”

Kamusta na ba ang puso niya ngayon?

Maiksing sagot niya, “Payapa. Payapa.”

Yen Santos opens up about recent ex

Tanong kay Yen, “What happened to your last relationship?”

Sagot niya dito, isang blessing daw na maituturing na nakawala na siya sa relasyong iyon, na hindi pa rin niya binabanggit kung sino.

Pagpapatuloy ni Yen, “Napakalaking blessing na natapos na yun. Malaking blessing na nagising na ako doon sa nightmare na yun and I walked away.

“Kasi hindi talaga worth it.

“It wasn’t worth wasting my time, my energy sa someone na kinu-control ka, mina-manipulate ka.

“That kind of life drains you, and you lose yourself in the process.

“So hindi mo gugustuhin talaga yung ganun klaseng buhay.

“And minsan, the most powerful thing you can do is walk away and set yourself free. Piliin mo yung sarili mo talaga.”

Ayon pa kay Yen, hindi nakikita ang totoong ugali ng isang tao sa unang mga buwan ng pagsasama.

Paliwanag niya: “Sa una kasi hindi naman yan magpapakilala, e.

“The person I met in the beginning, that wasn’t really him.

ADVERTISEMENT – CONTINUE READING BELOW ↓

“The one I saw in the end, yun talaga siya.

“Siyempre sa una, hindi naman yan magpapakilala ng totooong pagkatao nila, e, kasi gagawin nila lahat para makuha yung loob mo.

“Tapos kapag nakuha na yung loob mo, unti-unti na yan, doon na nalalabas yung totooong pagkatao nila.

“And siyempre, ako din sa part ko, nahulog ako doon, e. Naniwala ako sa lahat ng mga pinakita noong una.

“Kahit gaano ko jina-justify dati na, ‘Okay naman kami, masaya naman kami,’ pero you know deep down, may mga taong nasaktan doon sa maling choices mo and it was wrong.

“Para sa akin, yung ganoong klaseng tao, matatauhan ka talaga kapag ganoon ka tinatrato.

“At ngayon, ang mahalaga, you know, tapos na. And mas maayos yung takbo ng buhay ngayon.”

on recognizing red flags

Naitanong din kay Yen kung ano ang mga natutunan niya sa kanyang ex.

ADVERTISEMENT – CONTINUE READING BELOW ↓

“Red flag” at “love bombing” daw ang pagpapakita nito ng mga “big gestures” at “sweet words.”

Lahad ni Yen, “Isa sa natutunan ko na kapag ang isang tao, umpisa pa lang, mahal ka na agad, big gestures agad yung ginagawa para sa yo, sweet words, ganyan.

“Noong una akala ko nakakakilig yun, e. Pero hindi, red flag yun. Love bombing yun.

ADVERTISEMENT – CONTINUE READING BELOW ↓

“Patibong yun. Parang yung pakiramdam mo na parang ang bilis lahat ng pangyayari.

“Minamadali ka sa mga bagay-bagay. No, hindi. Pag ganun agad, takbo ka kasi umpisa pa lang hindi na totoo agad yun sa sarili niya.

“Hindi love yun. Part yun ng manipulation.”

Dito din inamin ni Yen, na tila nakaapak siya ng damdamin ng iba.

Lahad ni Yen, “Isa din sa natutunan ko sa buong relasyon na yun, e.

“Na kapag pumasok ka sa ganoong sitwasyon, na umpisa pa lang mali-mali na.

“Mali talaga siya kase alam mo sa sarili mo na may mga tao kang nasaktan.

“Kase nung una, jina-justify mo na, ‘Okay ito, masaya ito, okay kami.’

“Pero meron kang part sa sarili mo na, ‘Hindi, e,’ kasi alam mong may mga nasasaktan.”

Dito na rin nagpaabot ng kanyang apology si Yen sa mga taong nasaktan sa naging mali niya noon.

Sabi niya, “Para po doon sa mga taong nasaktan ko noong mga panahon na iyon, I am so sorry. Wala po akong excuse doon. Mali po talaga ako. Nagkamali po ako.”

ADVERTISEMENT – CONTINUE READING BELOW ↓

YEN-PAOLO RELATIONSHIP

January 2023, kinumpirma ni Paolo sa Fast Talk With Boy Abunda ang matagal nang espekulasyon sa tunay na estado ng relasyon nila ni Yen.

Iyon ang kauna-unahang pagkakataong inamin ni Paolo sa publiko na sila na ni Yen.

ADVERTISEMENT – CONTINUE READING BELOW ↓

Aniya, “Sa amin kasi, kumbaga, what you see is what you get na naman, di ba?

“Hindi na namin puwedeng ipilit yung tao to be happy for us. Hindi namin puwede ipilit yung mga tao na paniwalaan yung gusto nilang paniwalaan.

“Sana isipin lang nila na kung ano lang yung nakikita nila na naka-post, yun lang yung truth na alam nila.”

Bago maganap ang pag-amin, nauna nang itinanggi ni Paolo na si Yen ang dahilan ng hiwalayan nila ni LJ pagkatapos ng ilang taong pagsasama.

“Hindi. Hindi,” diin ni Paolo.

Sinubukang ipaliwanag ni Paolo kung ano ang dahilan ng pagtatapos ng relasyon nila ni LJ.

Lahad niya, “Somehow medyo matagal na kaming hindi kami okay ni LJ, pero we were together, of course. Napapadalas ang away and everything.

ADVERTISEMENT – CONTINUE READING BELOW ↓

“I think it’s a combination na ng stress sa pandemic and eveything, ‘no.

“One of my biggest mistakes was hindi ko inalala yung mental health ni LJ. Isa yan sa feeling ko simula ng downfall namin, na hindi ko inisip yon.

“Kapag nahihirapan siya during pandemic, ang utak ko, ‘eeeh…’ alam mo yun? ‘Four times a day tayong kumain, chill ka diyan.’ Alam mo yung ganun?

“Plus, again, yung pagdidiskarte ko ng sarili ko, na hindi ko na ini-inform sa kanyang yung mga bagay-bagay, which led to bigger problems.

“So, I won’t divulge na sa isyu na yon, pero eventually, it piled up. Again, hindi kami nag-uusap nang maayos.

“Plus, yun na nga, every time ako nakakalabas ng bahay dahil pandemic, may work… may kalokohan din akong ginagawa.”

Hindi idinetalye ni Paolo kung ano ang mga “kalokokahan” na ginawa niya.

Pero itinanggi niyang nagkakamabutihan na sila ni Yen noong panahong iyon.

ADVERTISEMENT – CONTINUE READING BELOW ↓

Nilinaw rin ng Kapuso actor ang “as a friend” na sagot niya noon tungkol sa mga kumalat na larawan nila ni Yen na kuha sa Baguio.

Read: “As a friend?” Netizens react to Paolo Contis inviting Yen Santos to Baguio

Ayon kay Paolo, “Well, yung ‘as a friend,’ nung nag-Baguio kami ni Yen, nasa States na sila LJ nun.

“Nagmukhang baligtad because your [Boy’s] interview with LJ came out, pero wala na kami sa Baguio nun. So, ang feeling ng tao, habang ini-interview si LJ, nasa Baguio ako.

“Pero when you were interviewing LJ, mga one or at least ten days na silang nasa States, I left for Baguio nasa States na sila. Hindi na kami nun.”

Samantala, sa ngayon ay masaya na si LJ sa piling ng kanyang non-showbiz husband na si Philip Evangelista.

YEN-paolo RUMORED BREAKUP

Unang nagkaroon ng espekulasyon sa estado ng relasyon nina Paolo at Yen nang binigyan ng malisya ng netizens ang paghalik ng aktor sa dating co-host nito sa Eat Bulaga! na si Arra San Agustin noong November 1, 2023.

ADVERTISEMENT – CONTINUE READING BELOW ↓

Noong panahong iyon, nasa TAPE Inc. pa ang pag-aari ng noontime show at wala pa sa TVJ nina Tito Sotto, Vic Sotto, at Joey de Leon.

Ipinagkibit-balikat lamang ni Paolo noon ang isyu. Bahagi lang daw iyon ng sketch ng kanilang segment sa show.

Pagdating ng November 22, tiniyak ni Paolo na sila pa rin ni Yen.

Nilalagyan lamang daw ng malisya ng iba ang video nila ni Arra na galing sa isang eksena sa Eat Bulaga! na pinagmulan ng mga haka-hakang may namamagitan sa kanilang dalawa.

Ginawa ni Paolo ang paglilinaw sa live guesting niya rin sa Fast Talk With Boy Abunda.

Para matapos na ang isyu na nag-uugnay sa kanila ni Arra, pinili ni Paolo na magsalita sa “Talk or Dare” segment ng afternoon showbiz talk show ni Boy Abunda.

“Talk or dare, kayo na ba ni Arra San Agustin, kayo pa ba ni Yen?” diretsahang tanong ni Boy kay Paolo.

ADVERTISEMENT – CONTINUE READING BELOW ↓

“Yes, kami pa ni Yen,” sagot ng Kapuso actor-TV host.

“And alam mo yung kumakalat sa amin ni Arra, it’s an edited video of a portion in Eat Bulaga! and it was maliciously edited.

“It’s parang skit love triangle ni Arra, ako at saka si Ken played by Betong [Sumaya]…”

Hanggang noong April 21, 2024, sa panayam ni Paolo kay Nelson Canlas para sa 24 Oras, sinabi niyang tila napapaligiran ng labis na galit ang pag-iibigan nila ni Yen.

Ani Paolo, “It’s sad to say na super na-demonize kami pareho in terms of, parang super laki…

“Katulad nga ng sinabi mo pagdating mo kanina, ‘O, the world’s hatest man.’

“Natuto na ako. And aminin naman natin, there is too much hate for me to post things.

“Parang sa akin, so what? As long as quiet yung sa aming dalawa, then so be it.”

Ito raw ang dahilan kaya pinili na lamang nilang gawing “quiet” ang relasyon nilang dalawa at malayo sa mapanuring mata ng publiko.

ADVERTISEMENT – CONTINUE READING BELOW ↓

Saad ni Paolo, “I guess, being in a quiet relationship, feeling ko mas may ano siya, may advantage because she is a very private person as well.”

Nilinaw naman ng aktor na wala siyang ikinumpara kay Yen. Baka raw kasi sabihin ng mga tao na ang pinatutungkulan niya ay ang ex-girlfriend na si LJ.

Sabi pa ni Paolo, “Wala. Again, you people don’t know what happens behind closed doors.

“So, kung ano man yung mga nakikita ko dati, iba rin yung mga nakikita ko ngayon.

“Yung sa amin, it works because we’re both quiet with our personal lives.”

PERSISTENT RUMOR THAT THEY’VE CALLED IT QUITS

Dahil sa hindi nila pagiging aktibo sa social media, hindi rin mamatay-matay ang isyu na hiwalay na sila.

May 6, 2024, naiulat ng PEP.ph (Philippine Entertainment Portal) na pagod na pagod na si Paolo na sumagot sa tanong kung sila pa ba ni Yen.

ADVERTISEMENT – CONTINUE READING BELOW ↓

Dalawang linggo pa lang ang nakararaan noon nang sinabi ni Paolo na magkakahiwalay silang magkasintahan dahil paalis siya papuntang Bicol para sa shooting ng pelikulang gagawin niya sa Mavx Productions.

Noong mga panahong ito ay viral na online ang pagbura ni Yen sa birthday IG post niya kay Paolo.

Bagay na naitanong naman ng PEP Troika kay Paolo nang makapanayam nila ito.

Ayon kay Paolo, aware siyang tinanggal na ni Yen ang birthday post nito sa kanya.

Matagal na raw natanggal ang birthday post na iyon, hindi raw alam ng aktor kung ano ang dahilan.

Hindi naman na raw siya naninibago sa pag-delete ni Yen ng ibang ipinu-post nito sa Instagram, dahil hindi lang daw yung birthday post ang natanggal, kundi meron pang iba.

May 24, 2024, muling pinag-usapan ang maintrigang Instagram Stories ni Yen.

Ito’y matapos niyang irepost ang video clip ng interview ng kapwa aktres na si Heart Evangelista sa talk show ni Boy.

ADVERTISEMENT – CONTINUE READING BELOW ↓

Dito ay tinanong ng host na si Boy kung ano ang maipapayo ni Heart sa kanyang younger self.

Saad ni Heart sa video, “If I were to speak to who I was before, [I would say] stop giving away your heart like it’s candy.

“Treasure yourself. Love yourself. Treasure your heart and your soul. Because that’s what’s gonna save you in the end.”

Bagamat walang caption na inilagay si Yen sa kanyang shared post, maliban sa naka-tag na username na @riverayanna, umani pa rin ito ng samu’t saring reaksiyon mula sa netizens na naniniwalang iyon ang simula ng pagkakalabuan nila ni Paolo.

Wala pang reaksiyon si Paolo sa vlog ni Yen.

With additional text from Tin Baylon