Actress Phoebe Walker, DJ Rico Robles now engaged
How did Phoebe Walker know that Rico Robles is “the one”?
Phoebe Walker on engagement to Rico Robles: “Since nag-propose siya, napakita niyang may plano nga talaga siya sa akin. Pangako niya rin kasi yan sa mummy ko bago siya nawala nung April [2025] kaya happy ako dahil alam ko na masaya rin ang mummy ko sa heaven.”
PHOTO/S: @phoebecwalker on Instagram
Engaged na ang disc jockey at former PBB housemate na si Rico Robles, 45, sa aktres na si Phoebe Walker, 28.
Nangyari ang proposal ni Rico kay Phoebe sa radio station ng RX 93.1 sa Pasig City, noong Huwebes, Hulyo 10, 2025.
Ngayong Biyernes, Hulyo 11, ikinuwento ni Phoebe sa PEP.ph (Philippine Entertainment Portal) ang mga kaganapan sa isa sa pinakaimportanteng araw sa buhay nila ni Rico.
Pahayag ng Viva actress-host: “May guesting kami sa RX 93.1 ng podcast namin to promote Season 2.
“Ang sabi niya, may potential advertisers daw listening in, kaya galingan namin.
“And then, sa final segment of the guesting, nanghingi na siya [Rico] ng messages.
“Ako naman, napapansin ko sa studio, patapos na ang interview pero parami pa rin nang parami yung tao. Nakaabang pa ang mga camera.
“Tapos, nag-start na siyang mag-propose.
“Staged pala yung guesting namin for him to propose.”
ADVERTISEMENT – CONTINUE READING BELOW ↓
Rico Robles proposed to Phoebe Walker at Monster RX 93.1 on July 10, 2025.
Photo/s: @phoebecwalker on Instagram
WHY IS RICO “THE ONE” FOR PHOEBE?
Ayon kay Phoebe, nakutuban na niya ang gagawin ni Rico pero ipinagwalang-bahala niya raw ito.
Lahad niya: “First, nung napapansin ko na may kakaiba, idine-deny ko pa sa utak ko.
CONTINUE READING BELOW ↓
Mika Salamanca as PBB Collab Housemate: Real Growth or Image Repair? | PEP
“Hindi puwedeng mag-propose siya ngayon kasi naka-live kami sa online at sa radio.
“When he proposed na, unang sinabi ko, ‘Bakit online?’
“Pero siyempre, nauna ang tuwa, iyak, at pasasalamat ako sa efforts niya.
“Happy ako na tinupad niya ang kanyang mga pangako sa akin.”
Paano natiyak ni Phoebe na si Rico ang “the one.”
“First, napakabait, marespeto, at God-fearing niya.
“More than being supportive of my career, he helped me change my outlook on life.
“I feel like I’m more calm, rational, positive, and confident in myself.
“He removes my anxiety by teaching me to trust God and what His plan is for us.
“Saka hindi na ako masungit sa kanya!” natawang sagot ni Phoebe.
Pagpapatuloy niya: “Since nag-propose siya, napakita niyang may plano nga talaga siya sa akin.
“Pangako niya rin kasi yan sa mummy ko bago siya nawala nung April [2025] kaya happy ako dahil alam ko na masaya rin ang mummy ko sa heaven.”
ADVERTISEMENT – CONTINUE READING BELOW ↓
PHOEBE & RICO’S WEDDING PLANS
Kailan nila pinaplanong magpakasal?
“Wala pa pong napag-uusapan kasi marami kaming family all over the world kaya we have to choose a place kung saan madali for most,” sabi ni Phoebe.
Tatlong taon na ang relasyon nina Rico at Phoebe.
Opisyal na nag-umpisa ang kanilang relasyon noong Hulyo 12, 2022, ang kaarawan ng DJ.
Magdiriwang si Rico kanyang ika-45 kaarawan sa Sabado, Hulyo 12, dalawang araw matapos niyang alukin ng kasal si Phoebe.
Kung sakaling ikasal nila, ipagpapatuloy pa rin daw ni Phoebe ang kanyang acting at hosting career.
Kasama rin sa plano nila ni Rico ang magtayo ng mga negosyo at mag-produce ng mga pelikula.
“Yes, of course, continue pa rin ang showbiz career ko and we’re looking into producing movies, contents, and also doing businesses together,” sabi ni Phoebe sa PEP.
