Pokwang reminds PBB Gen 11 Big Winner Fyang Smith to “be humble”

Pokwang to Fyang: “…iha please wag muna mag yabang bad yan.”

Pokwang (left) calls out Fyang Smith (right) over unbeatable PBB batch remark: “Iha 21 years na ako sa showbiz at ang sekreto BE HUMBLE iha yan muna ang pag aralan naka ilang pbb season na ang nasaksihan ko pero iilan nalang silang active sa showbiz.”
PHOTO/S: Pokwang/Fyang Smith on Instagram

Usap-usapan ngayon sa social media ang pagpuna ng TV host-comedienne na si Pokwang sa Pinoy Big Brother Gen 11 Big Winner na si Fyang Smith.

Kasabay ng PBB: Celebrity Collab Edition Big Night noong Sabado, July 5, 2025, ay nag-trending ang isang video ni Fyang kunsaan pabiro niyang sinabing kahit ilang edisyon pa ng hit reality show ang dumaan ay wala raw makakatalo sa batch nila.

Ang batch nila Fyang ang sinundan ng katatapos lamang na PBB: Celebrity Collab Edition, ang kauna-unahang pagsasanib-puwersa ng ABS-CBN at GMA Network pagdating sa produksiyon ng reality show.

Ayon sa netizens, April 6, 2025, pa kuha ang viral na video ni Fyang.

Nangyari ito sa ginanap na fan meeting ng former housemates ng PBB Gen 11 at muli lang ini-upload ng isang entertainment site sa Facebook.

Pahayag ni Fyang sa in-upload na video ng nasabing entertainment site, “Alam mo kahit ilang batch pa yan, walang makakatalo sa batch namin.

ADVERTISEMENT – CONTINUE READING BELOW ↓

“Hello, Gen 11. Breaking, highest [concurrent views], hello?”

Sa tala ng ABS-CBN, nananatiling record breaking ang Big Night ng PBB Gen 11 makaraan nitong makapagtala ng 2.26 million concurrent views.

Mas malaki ito kumpara sa mga nagdaang edisyon, maging ang Big Night ng PBB: Celebrity Collab Edition na nakapagtala lamang ng 1.5 million concurrent views.

Ang kaibahan lamang, ang PBB Gen 11 ay hindi ipinalabas sa free TV.

Samantalang ang PBB Celebrity Collab Edition ay napanood sa GMA-7, kaya hindi matiyak kung ano ang bilang ng nanood ng Big Night nito.

Fyang Receives “BE HUMBLE” Advice From Pokwang

Balik sa viral na video ni Fyang, sa uploaded video ng isang entertainment site na nag-upload sa Facebook ay makikita ang pagkukomento ni Pokwang.

Dito ay pinangaralan niya si Fyang na “wag munang magyabang.”

Ayon kay Pokwang, sa mahigit dalawang dekada niya sa showbiz ay isang aral daw ang kanyang natutunan — ang pagiging humble anuman ang marating mo sa buhay at career.

CONTINUE READING BELOW ↓

Sino ang BIG WINNERS ni Michael Sager? | PEP Exclusives

Mababasang komento ni Pokwang (published as is), “my God iha 21 years na ako sa showbiz at ang sekreto BE HUMBLE iha yan muna ang pag aralan naka ilang pbb season na ang nasaksihan ko pero iilan nalang silang active sa showbiz so iha please wag muna mag yabang bad yan.”

Photo/s: Screengrab Circle of Stars on Facebook

ADVERTISEMENT – CONTINUE READING BELOW ↓

Maraming nagulat sa biglaang pagkukomento na ito ni Pokwang.

May ilang sumang-ayon sa kanya at may ilan din namang netizens ang nagduda kung si Pokwang ba talaga ang nag-comment.

Sa pagsisiyasat ng PEP.ph (Philippine Entertainment Portal) sa Facebook account na ginamit ni Pokwang sa pag-comment, napag-alaman naming ito ay lehitimo dahil verified at may libu-libo itong followers.

“Marietta Subong” is Pokwang’s real name. 
Photo/s: Screengrab Marietta Subong on Facebook

ADVERTISEMENT – CONTINUE READING BELOW ↓

Fyang fans clap back at Pokwang

Samantala, may ilang tagahanga si Fyang na hindi nagustuhan ang pagbibigay ng payo ni Pokwang sa dalaga.

Depensa nila, ang napanood ni Pokwang ay “spliced video.”

Hindi raw nila matanggap ang biglaang pagkukomento ng komedyante gayong hindi naman nito napanood nang buo ang video, kunsaan malinaw raw na sinabi ni Fyang na siya’y nagbibiro lamang.

Tweet ng isang netizen sa X (published as is), “Ms. @pokwang27, Fyang fans were just trying to respectfully remind you that the video you reacted to was clearly cut. Pero instead of acknowledging that, you chose to stand your ground and act even more ‘matapang.’ Nakakalungkot lang po, we expected a bit more grace.”

Saad pa ng isa (published as is), “Hello Ms Pokwang, nabasa ko po comment nyo about Fyang & just to let you know po about that spliced video, Fyang is just joking w/ her fans during fancon. Yung video na yun is cut & may karugtong po yun. Sana maliwanagan ka rin po.Pls don’t judge Fyang so easily.Thank you.”

ADVERTISEMENT – CONTINUE READING BELOW ↓

Sabi naman ng isa (published as is), “Ms @pokwang27. A celebrity and a mom. She was once a subject of hate and bashing. A victim of biased media and fake news despite her success in showbiz. Fyang is only 19 & a newbie. She has so many things to learn & what she needs is guidance not the insult. FACT CHECK pls!”

THE FULL VIDEO

Mabilis na hinanap ng PEP ang full video na sinasabi ng fans ni Fyang.

Narito ang buong pahayag ni Fyang sa kanilang fan meet:

“Alam mo, kahit ilang batch pa yan, walang makakatalo sa batch namin.Hello, Gen 11. Breaking, highest [concurrent views], hello?

“Hindi, joke lang. Kaya walang makakatalo sa batch namin kasi lahat kami very genuine, very authentic.

“Akala nga namin walang nanonood, kaya lahat kami ganun mga ugali namin, di ba, pagpasensiyahan niyo na.

“Well, para sa amin lang yon na walang [makakatalo], siyempre batch namin yon e.”

ADVERTISEMENT – CONTINUE READING BELOW ↓

Habang isinusulat ang artikulong ito ay wala pang inilalabas na pahayag o reaksiyon ang kampo ni Fyang tungkol sa naging komento sa kanya ni Pokwang.