Matet de Leon says bashers asking her when she will cry again
Matet de Leon: “Hindi naman nila ko na damage kanina.”
Matet de Leon: “Nagla-live ako kanina… May mga bastos parin talagang nagtatanong kung kelan ako iiyak during the live… Hindi ko maibalik sa kanila ginagawa nila eh… Di kaya ng konsensya ko…”
PHOTO/S: Instagram
Ibinunyag ni Matet de Leon na patuloy pa rin ang ilang netizens sa pang-iinis sa kanya habang nagti-TikTok live selling sessions siya.
Sa kanyang Threads account nitong nakaraang Lunes, July 14, 2025, sinabi ni Matet na hindi niya kayang balikan ang bashers niya hindi kaya ng kanyang konsensiya.
Lahad niya, “Nagla-live ako kanina… May mga bastos parin talagang nagtatanong kung kelan ako iiyak during the live…
“Hindi ko maibalik sa kanila ginagawa nila eh… Di kaya ng konsensya ko… [laughing emojis]
“Mga tao nga naman talaga oo… [sad face emoji]”
ADVERTISEMENT – CONTINUE READING BELOW ↓
Kabilang sa mga nagkomento sa post ni Matet ay ang singer na si Ogie Alcasid.
Saad ni Ogie, “The Lord bless you”
Nagpaabot din ng mensahe ang motivational speaker at financial consultant na si Chinkee Tan.
Aniya, “Laban lang”
CONTINUE READING BELOW ↓
PBB Kapuso Housemates Grand Mediacon | PEP
Read: Bardagulan at a convenience store in Panabo City becomes viral
NETIZENS REACT TO MATET DE LEON’S POST
Positibo naman ang karamihan ng mensahe ng followers ni Matet sa Threads.
Halos lahat sila ay pinayuhan siyang huwag nang pansinin ang mga bastos na netizens.
Ayon sa isang netizen: “The best way to fight a troll is not to. (Tama ba grammar ko? ahehehe) Pag pinansin, lalong manggagago. Starve them by not acknowledging them, pretending you don’t see their comments. Marangal trabaho mo, just keep it up.”
ADVERTISEMENT – CONTINUE READING BELOW ↓
Sabi naman ng isa, walang masama sa pagla-live selling dahil maraming artista ang gumagawa nito kaya deadmahin na lamang daw niya ang bashers.
Baka raw idinadaan na lamang sa bashing ng ilan ang kanilang problema sa kawalan ng pera.
Sabi nito: “Just don’t mind them @misismatet people who are mocking people whose working in a fair way. There’s nothing wrong in live selling, many celebrities are doing it. Those who are bashing you those are the people who’s having a problem on their daily budget and bashing is their way of releasing their life frustration.”
ADVERTISEMENT – CONTINUE READING BELOW ↓
Opinyon ng isa, baka walang contentment sa buhay ang bashers niya.
Alam daw niyang malalagpasan ni Matet ang lahat ng ito.
Buong komento ng netizen: “Miss @misismatet those are people who are not contented with their lives. Your mom is an epitome of a woman with character.
“Watched her interviews in the past, read some of the articles during 70’s and 80’s and she never fought back nor said ill things about those negativity. I know you’ve been raised by that woman with full of grace and power.
“You can surpass all these. Our prayers are always with you and your siblings. Have faith and be strong”
ADVERTISEMENT – CONTINUE READING BELOW ↓
Sa isa pang post ni Matet, sinabi niyang hindi naman siya naapektuhan ng pambubuska sa kanya.
Saad niya, “Hindi naman nila ko na damage kanina. Ayoko ng ganung klase ng atensyon
MATET and the CRYING INCIDENT DURING her LIVE SELLING
Noong nakaraang June 30, 2025, ipinaliwanag ni Matet ang nangyaring biglaan niyang pag-iyak sa gitna ng kanyang live selling sa TikTok noong June 29.
Sa ilang snippets na lumabas, habang nagpapaliwanag si Matet sa presyo ng set ng corned beef, saglit siyang napatigil sa pagsasalita.
Makalipas ang ilang sandali ay napaluha ang aktres matapos mabasa ang mga komento ng ilang netizens.
Hindi binanggit ni Matet kung ano ang nilalaman ng kanyang mga nabasang komento, pero mahihinuhang na-upset siya habang patuloy sa pagbebenta ng mga produktong nasa harapan niya.
Pero, dalawang insensitive comments ang ipinunto ng netizens na maaring nakasakit ng damdamin ni Matet.
Ito ay ang, “Wala na kayo project?” at “Suplada to kaya iniwan ni ate guy.”
Bahagi ng paliwanag ni Matet, “Kaya ako na-bad trip kahapon because of that one person na walang puso at napakawalanghiya, okay.
“Pero yung pagla-live sell, I love it.
ADVERTISEMENT – CONTINUE READING BELOW ↓
“Kaya gusto kong mag-thank you doon sa mga taong maayos, pagka-live. Gusto kong mag-thank you sa inyo, yung mga sumusuporta pag may live ako, lalo na yung mga suki ko.
“Akala ninyo, hindi ko kayo nakakalimutan, ‘no?
“So thank you, thank you, thank you everybody for being nice to me, pagiging maayos.”
Kaya ang leksiyon daw na natutunan ni Matet sa susunod niyang live selling ay hindi na magbabasa ng mga komento.
