Maris Racal opens up about regret, healing, and choosing to stay single: “I feel like I need to give myself some space to grow and to really process everything.”
PHOTO/S: Screengrab Karen Davila on YouTube

Inamin ng Kapamilya actress-singer na si Maris Racal na may mga pinagsisisihan siya sa mga nagdaan niyang relasyon, kung kaya’t mas pinipili niya munang maging single ngayon.

Ito ang ibinahagi ni Maris sa panayam sa kanya ni Karen Davila na in-upload sa YouTube noong July 3, 2025.

Tanong ni Karen kay Maris, “Do you have any regrets about past relationships?”

Mabilis ngunit tipid na sagot ni Maris, “Oh yes, yes!”

Hindi idinetalye ng aktres kung anu-anong mga panghihinayang ang na-realize niya, ngunit masakit man daw ang kanyang pinagdaanan, ginagawa niya itong motibasyon para magpatuloy at hindi na muling magkamali pa.

Saad niya, “They may be painful, but nilalagay ko na siya sa moral compass ko. So that whenever I go, I know what to do.”

Maris SAYS She’s Single

Sa nasabing panayam, sinabi rin ni Maris na single siya ngayon.

Wala pa raw siyang planong pumasok muli sa relasyon dahil sa ngayon ay ine-enjoy pa niya ang pagiging mag-isa.

ADVERTISEMENT – CONTINUE READING BELOW ↓

Ngunit hindi naman daw ibig sabihin na hindi na siya naniniwalang darating ang lalaki na para sa kanya.

Sabi niya, “I feel like I need to give myself some space to grow and to really process everything.

“I don’t know, but that’s what I’m saying now, but I don’t know about tomorrow.”

MARIS’ PAST RELATIONSHIP WITH RICO BLANCO

Bagamat hindi binanggit ni Maris ang relasyong pinagsisisihan niya, mahihinuhang ang kanyang tinutukoy ay ang kontrobersiyal na hiwalayan nila ng Rivermaya vocalist na si Rico Blanco.

Noong July 12, 2024, isinapubliko ni Maris ang malungkot na kinahantungan ng limang taong relasyon nila ni Rico.

Hindi direktang sinabi noon ni Maris ang dahilan ng kanilang breakup ngunit may mga binanggit siya tungkol sa mga desisyong gusto niyang tahakin sa buhay.

Bagamat masaya, nagmamahalan, at kuntento naman sila sa isa’t isa, dumating daw kasi sa puntong nagbago ang kanyang gusto at prayoridad, bagay na agad niyang sinabi kay Rico.

CONTINUE READING BELOW ↓

Brent Manalo vs Kira Balinger: Pinersonal nga ba sa PBB Collab? | PEP

Emosyunal na pahayag noon ni Maris: “Rico and I, our universe was so beautiful. It was full of love, laughter, music, everything.

“Sa five years namin together, we were always on the same page.

“I don’t know what happened to me. Maybe I turned to the next page and saw a new perspective sa life. I had visions of who I want to become, and how I want to evolve.

“I’m so curious about the world and the truth is, I am going through changes.

“And alam naman natin yung change is either good or bad. But what I hate about change is it’s inevitable.

“Hindi mo siya matatakasan. Wala ka nang puwedeng ibang gawin but to confront it and face it.

“So, yeah, I told Rico about it. I told him my problems and my issues.

“And he took it like a man. He took it like a man.”

ADVERTISEMENT – CONTINUE READING BELOW ↓

Nang masinsinang makapag-usap, nagdesisyon daw sila ni Rico na tuluyan nang maghiwalay.

Ani Maris: “It was a very difficult talk, cause I love him so much and he loves me.

“But I have so many questions about my life and how will I go on in life with him, and I have so many questions about me and my sense of self.

“It was very difficult but a very polite separation.

“Up to the very end of the relationship, it was still full of love and understanding.”

Maris Racal was previously in a relationship with Rico Blanco before the actress-singer confirmed their split in June 2024. 
Photo/s: Screengrab Karen Davila on YouTube

ADVERTISEMENT – CONTINUE READING BELOW ↓

MARIS’ CHEATING CONTROVERSY

Limang buwan lamang makaraang makumpirma ang kanilang hiwalayan, nasangkot naman si Maris sa isang cheating controversy sa pagitan ng noo’y magkarelasyong Anthony Jennings at Jamela Villanueva.

Si Anthony ang ka-loveteam ni Maris.

Noong December 3, 2024, sumambulat sa social media ang nakakabulabog na Instagram posts ng ex-girlfriend ni Anthony na si Jamela.

Ito’y matapos niyang matuklasan na mayroong lihim na relasyon sina Anthony at Maris.

Bilang patunay, naglabas pa si Jamela ng screenshots ng palitan ng private messages nina Anthony at Maris, kabilang na rito ang ilang maseselang usapan nila.

Dahil dito, pinaratangan sina Maris at Anthony ng cheating o panloloko habang may kanya-kanya pa silang karelasyon.

Ito kasi ang itinuturong dahilan ng netizens kung bakit daw nagdesisyon si Maris na makipaghiwalay kay Rico, kahit na pinabulaanan na noon ng aktres na may kinalaman si Anthony sa desisyon niyang makipaghiwalay kay Rico.

ADVERTISEMENT – CONTINUE READING BELOW ↓

Pagdating ng December 6, naglabas ng video ang ABS-CBN ng magkasunod na public apology nina Maris at Anthony.

Dito ay inako ng dalawa ang kanilang pagkakamali at humingi ng tawad sa mga taong nadamay at nasaktan, lalo’t higit kay Jamela.