Kara David saddened by Shuvee and Klarisse’s eviction from PBB
Award-winning journalist Kara David (left) on Shuvee Etrata (on white top) and Klarisse de Guzman’s (on black) PBB exit: “Para sa akin, si Shuvee at Klarisse ang pinakatotoo sa loob ng bahay ni Kuya. Haaaay. Ang lungkot ko talaga.”
PHOTO/S: Kara David on Facebook/Screengrab GMA Network on YouTube
Labis na ikinalungkot ng multi-awarded journalist na si Kara David ang pagkaka-evict nina Klarisse de Guzman at Shuvee Etrata sa Pinoy Big Brother: Celebrity Collab Edition.
Ngayong Sabado, June 14, 2025 naganap ang sixth eviction night, at ang duo nina Shuvee at Klarisseo ang tuluyan nagpapaalam sa Bahay Ni Kuya.
Ito’y matapos nilang makakuha ng pinakamababang boto na 31.50%.
Klarisse de Guzman (right) and Shuvee Etrata (left) are the sixth evictees in Pinoy Big Brother: Celebrity Collab.
Photo/s: Screengrab GMA Network on YouTube
ADVERTISEMENT – CONTINUE READING BELOW ↓
Nakaligtas naman ang kapwa nominees nina Shuvee at Klarisse na sina Dustin Yu at Bianca de Vera (DusBi) at sina AZ Martinez at River Joseph (AZVer).
Kara Reacts to PBB Eviction of Shuvee and Klarisse
Maraming netizens ang nagulat, nalungkot, at halos hindi makapaniwala sa pagkaka-evict nina Shuvee at Klarisse.
Lalo pa’t ang dalawa ang isa sa leading housemates sa mga nagdaang tasks sa Bahay Ni Kuya.
Isa sa mga nalungkot ang Kapuso journalist na si Kara David.
Sa Facebook, hindi napigilang maglabas ng nararamdaman ni Kara.
Aniya, nakakapanghinayang na ang dalawa ang napalabas gayong ang mga ito ay nakikita niyang nagpakatotoo sa PBB house.
Mababasa sa post ni Kara, kalakip ang ibinahagi niyang litrato nina Shuvee at Klarisse mula sa post ng GMA Public Affairs:
“Sobrang lungkot. Para sa akin, si Shuvee at Klarisse ang pinakatotoo sa loob ng bahay ni Kuya. Haaaay. Ang lungkot ko talaga.”
CONTINUE READING BELOW ↓
PBB Collab Housemates, PLAYING SAFE MASYADO? | PEP Live
Bagamat hindi nakaabot sa Big Night, nagpapasalamat si Kara kay Shuvee at Klarisse sa ginawa ng mga itong pagpapakatotoo at pagpapakita ng patas na paglaban sa buhay.
Saad ni Kara (published as is), “Salamat shuvee at klarisse dahil na-inspire n’yo kaming lumaban. Sa buhay, manalo man o matalo… ang mahalaga, lumaban.”
Photo/s: Screengrab Kara David on Facebook
ADVERTISEMENT – CONTINUE READING BELOW ↓
Vice Ganda on Klarisse de Guzman’s PBB Exit
Samantala, maliban kay Kara, nauna nang naghayag ng saloobin ang Kapamilya TV host-comedian na si Vice Ganda sa paglabas ni Klarisse.
Mababasa sa post ni Vice (published as is): “Now that Klarisse is out of the PBB house its time na we really start supporting this brilliant talent.
“Magandang exposure sa kanya ang PBB para mas makilala ng mga manunuod.
“At tulad ng matagal ko ng hangad sana mas yakapin sya ng madla dahil may pambihira talaga syang talento.
“Matagal na kong naniniwala at humahanga sa husay ni Klarisse.
“At matagal na rin akong nanghihinayang dahil parang di sya masyadong nabibigyan ng pansin.
“Kaya ako na mismo ang nagproduce ng concert nya para mabigyan sya ng moment to shine. Dahil deserve nya. Di dapat masayang!”
Noong November 18, 2022 ginanap ang first major concert ni Klarisse sa New Frontier Theater.
Pagbabahagi pa ni Vice, bago pa man pumasok sa PBB house si Klarisse ay nakaplano na ang upcoming second concert nito, na si Vice muli ang magpoprodyus.
ADVERTISEMENT – CONTINUE READING BELOW ↓
Aminado ang It’s Showtime host na noong una ay nagdadalawang-isip pa siya kung mananalo si Klarisse dahil sa mga kasamahan nitong “bagets na artistahin at may loveteam,” na karaniwa’y patok sa madla.
Ngunit dahil sa determinasyon ni Klarisse na lumaban ay pinatunayan daw nitong kaya niyang magtagal sa PBB house kahit na walang ka-love team
Saad niya (published as is): “Di man sya ang maging Big Winner sobrang proud ako sa kanya.
“Walang nawala. Di ako nanghihinayang. May inani pa. Mas dumami ng lubos ang naniniwala at humahanga sa kanya.
“At ang panalangin ko ay magtuloy tuloy na ang magagandang mangyayari sa career nya.”
Sa huli, masayang binati ni Vice si Klarisse sa paglabas nito sa outside world.
Kalakip ang kanyang mensahe na anuman ang nangyari at mangyayari ay proud siya kay Klarisse at mananatili siya sa tabi nito para sumuporta hanggang sa maabot ng singer ang kanyang inaasam na rurok ng tagumpay.
