Will Ashley speaks up on WillCa-DustBia fan war

Will Ashley says he and Dustin Yu are on good terms.

Will Ashley (left) addresses ongoing fan war between WillCa (inset, top) and DustBia (inset, bottom) supporters; asks fans to stop pitting him and Dustin Yu against each other over Bianca de Vera.
PHOTO/S: Instagram

Hindi itinanggi ng Kapuso actor na si Will Ashley na nakakabasa siya ng bangayan sa pagitan ng WillCa at DustBia fans online.

Ang WillCa ang portmanteau o pinagsamang pangalan ni Will at Kapamilya actress na si Bianca de Vera.

Habang ang DustBia naman ang tawag sa tambalan nina Dustin Yu at Bianca.

Sina Will, Dustin, at Bianca ay housemates sa matagumpay na season ng Pinoy Big Brother (PBB): Celebrity Collab Edition.

Dito rin nagsimulang i-ship ng fans si Bianca sa dalawang Kapuso actor.

Dahil sa magkaiba nilang fanbase, hindi maiwasang magbanganyan ang kanilang mga tagahanga kung kanino ba talaga “bagay” at “mas masaya” si Bianca — kay Will o kay Dustin?

Will ASHLEY Speaks Up on FAN WAR

Noong Sabado, August 2, 2025, eksklusibong nakapanayam ng PEP.ph (Philippine Entertainment Portal) si Will sa GMA Gala 2025 na ginanap sa Marriott Hotel, Pasay City.

ADVERTISEMENT – CONTINUE READING BELOW ↓

Dito ay kinuha namin ang kanyang reaksiyon sa mainit na bangayan ng WillCa at DustBia fans.

Pag-amin ni Will, aware siya sa nangyayari sa pagitan ng kanyang fans at tagahanga ni Dustin.

Ikinalulungkot daw ito ni Will ngunit sa ngayon ay wala silang magagawa lalo na’t hindi nila kontrolado ang sitwasyon.

Pero nais daw niyang manaig ang kapayapaan sa pagitan ng dalawang kampo.

Pahayag ng tinaguriang Nation’s Son: “Well, right now, parang wala din naman po kaming control sa mga nangyayari.

“Pero as much as I can, parang as much as I want, gusto ko nga po na parang okay lang lahat.

“Napaikli lang ng buhay, e. Kumbaga, you only live once, enjoy life na lang talaga.”

Ayon pa kay Will, hindi naman kailangang mamili sa kanila ni Dustin kung kanino dapat mapunta si Bianca.

CONTINUE READING BELOW ↓

NOOD KA MUNA!

Nirerespeto raw niya ang samahang nabuo nina Dustin at Bianca sa loob ng PBB house hanggang sa paglabas nila.

Masaya at kuntento na raw si Will sa kung ano ang mayroon siya ngayon, maging sa tagumpay ng kanyang dating co-housemates.

Saad niya: “Kami naman, ako, masaya ako sa mga nangyayari.

“Masaya ako sa mga blessings, masaya ako sa workshop and, honestly, lahat naman kami mga housemates, e, may kanya-kanya naman talagang ginagawa ngayon.

“Talagang all of us, nagsa-succeed talaga sa mga ginagawa nila.”

Will Says He and Dustin Are on Good Terms

Paglilinaw pa ni Will, bagamat madalas silang pinagtatapat ni Dustin ay hindi raw ito nakakaapekto sa maayos nilang relasyon at pagkakaibigan.

“Yeah, we’re good,” mabilis na sagot ni Will sa tanong kung okay ba sila ni Dustin.

Sundot na tanong ng PEP, “Napag-uusapan niyo ba yung mga bashing?”

ADVERTISEMENT – CONTINUE READING BELOW ↓

Sagot ni Will: “Yeah, napag-uusapan, napag-uusapan namin ni Dustin yon.

“Pero siguro, sa amin na lang [kung ano yon], pero okay kami.”

Sa huli, may pakiusap si Will sa WillCa at DustBia fans.

Aniya, “Sana, enjoy life na lang talaga.

“Kasi, wala naman ang mga nangyayari kung papatuloy natin yung mga ganyang bashing.”

WILLCA AND DUSTBI RELATIONSHIPS

Nasa loob pa lamang ng Bahay Ni Kuya ay marami nang WillCa fans ang kinikilig sa unti-unting panunumbalik ng pagkakaibigan nina Will at Bianca.

Bianca de Vera and Will Ashley. 
Photo/s: Screengrab ABS-CBN Entertainment on YouTube

ADVERTISEMENT – CONTINUE READING BELOW ↓

Lalo pa noong lakas-loob na hinarap at ipinagtapat ni Will sa aktres ang kanyang nararamdaman at panghihinayang sa naudlot nilang pagkakaibigan, dalawang taon na ang nakakaraan.

Taong 2023 nang nakilala nina Bianca at Will ang isa’t isa nang magtambal sila sa unang collab drama series ng ABS-CBN at GMA-7, ang Unbreak My Heart.

Bagamat noo’y may malalim silang koneksiyon at pagkakaintindihan, hindi napunta sa puntong nagkaaminan sila sa tunay nilang nararamdaman.

Matapos daw kasi ang taping at pag-ere ng Unbreak My Heart ay unti-unti ring nanlamig at nawala ang komunikasyon at pagiging malapit nina Bianca at Will.

Habang sinusubukang ayusin ng dalawa ang kanilang pagkakaibigan ang siyang pagpasok naman ni Dustin sa buhay ni Bianca.

Hindi kagaya ni Will, si Dustin ay naglakas loob na magsabi kay Bianca na gusto niya ito.

ADVERTISEMENT – CONTINUE READING BELOW ↓

Malugod naman itong tinanggap ni Bianca at hindi rin nagpapigil na ipakita ang interes niya para kay Dustin.

Bianca de Vera and Dustin Yu. 
Photo/s: GMA Network

Nakabuo ng loveteam sina Bianca at Dustin sa loob ng Bahay Ni Kuya dahil sa pagiging bukas nilang sabihing gusto nila ang isa’t isa.

ADVERTISEMENT – CONTINUE READING BELOW ↓

Hanggang sa makalabas sa outside world, nananatili ang samahan ng dalawa na lalong kinakiligan ng kanilang mga tagahanga.