Pinoy Big Brother alumni na sina Mika Salamanca at Will Ashley matapos silang mag-volunteer para tumulong sa mga nasalanta ng bagyong Crising at Dante.
Sa Facebook post ng Angat Buhay Foundation nitong July 23, 2025, makikita ang mga litrato at video nina Mika at Will na tumutulong sa paghahanda at pagluluto ng pagkain na ipapamigay sa mga pamilyang nasalanta ng bagyo sa Marikina, kasama ang iba pang volunteers.
Mika Salamanca (fifth from left) and Will Ashley (sixth from left) volunteer at a soup kitchen in Marikina, which is under the Angat Bayanihan Volunteer Network of the Angat Buhay Foundation.
Photo/s: Angat Buhay on Facebook
ADVERTISEMENT – CONTINUE READING BELOW ↓
Ang Angat Buhay Foundation ay isang non-profit at non-governmental organization na binuo ni dating Vice-President Leni Robredo.
Mababasa sa kanilang caption (published as is): “Thank you, Mika and Will!
“Sinamahan ni Mika and Will ang ating volunteers sa Trining’s Kitchen Stories sa Marikina at sa Urban Chick Maginhawa sa Quezon City para maghanda ng mga iluluto para sa mga nasalanta ng bagyo.
“Muli, maraming salamat sa pakikipagbayanihan, Mika and Will! Thank you for standing with our mission!”
Mika urges everyone to help
Sa isang video naman na ini-upload ng Angat Buhay Foundation ay mapapanood ang paghihikayat ni Mika sa iba na makibagi rin sa mga ganitong klase ng inisyatibo.
Pahayag ni Mika sa video: “Nandito po ako sa Angat Bayanihan sa Trining’s Kitchen sa may Marikina. Nagpi-prepare po kami ng hot meals para po sa lahat nang nasalanta ng bagyo.
“Nag-volunteer po ako, wala pong maliit o malaki sa pagtulong.
“Minsan po kahit time niyo lang po is very important sa mga tao, way din po yon para makatulong tulad po ng pagbo-volunteer sa Angat Bayanihan.
“Puwede po kayo magbigay ng time niyo po at tumulong sa pagpi-prepare ng puwedeng ibigay sa mga nasalanta.”
Paalala pa niya, “Lagi po kayong mag-iingat sa bagyo at sa kalamidad.”
ADVERTISEMENT – CONTINUE READING BELOW ↓
NETIZENS PRAISE MIKA AND WILL
Dahil sa ginawang aksyon nina Mika at Will, marami sa netizens ang bumilib sa kanilang pagmamalasakit at kabutihang loob.
Mababasa sa comments section ng Angat Buhay Foundation (published as is), “Tama yan Mika and Will. Inspire the youth to volunteer.”
Saad ng isa (published as is), “That’s why you both were close to the people during your time in the PBB house. I truly salute you both. You’re on the right path Mika and Will.”
Deklarasyon pa ng isa (published as is), “Big Winner and part of the Big 4 for a reason. Salute sa inyong dalawa, Mika and Will.”
Si Mika, kasama ang ka-duo niyang si Brent Manalo ang hinirang na Big Winner sa katatapos lamang na PBB: Celebrity Collab Edition.
Habang si Will naman, kasama ang ka-duo niyang si Ralph de Leon ang kinilalang Second Big Placer.
