Cesar Montano happy for ex-wife Sunshine Cruz and Atong Ang

Cesar Montano praying for Sunshine Cruz’s safety and security every day.

Cesar Montano (left) on relationship of ex-wife Sunshine Cruz and businessman Atong Ang (right): “As long as she’s happy and I can see that she’s happy, I’m so happy for her, enormously. Kasi kapag happy ang nanay ng mga anak ko, so ibig sabihin happy din yung mga anak ko.”
PHOTO/S: Courtesy: Julius Babao UNPLUGGED on YouTube / Facebook

Masaya at walang tutol si Cesar Montano sa relasyon ng ex-wife na si Sunshine Cruz sa gambling tycoon na si Atong Ang.

Sa panayam sa kanya ng broadcaster na si Julius Babao, tinanong ang actor-director kung ano ang naramdaman niya nang makumpirmang may relasyon nga sina Sunshine at Atong.

Sagot ni Cesar na may halong biro, “A, nabuo ko tuloy yung ano, e, yung tula na ano, e, ‘Ang Sunshine,’ bow.”

Napahalakhak dito si Cesar, at sinabing natatawa rin si Sunshine tungkol sa kanyang nabuong tula.

“Tawa siya nang tawa nung sinabi ko sa kanya yung ganun. Yung bago ka tumula, ‘Ang Sunshine,’ bow.”

Ayon pa kay Cesar, masaya siyang nakikita ang ex-wife na maligaya bagamat hindi raw nila pinag-uusapan ang tungkol dito.

Ang mahalaga raw ay magkaibigan sila ngayon at tumatayong co-parents sa tatlo nilang anak na sina Angelina, Cheska, at Sam.

Saad ni Cesar: “Hindi pa naman nakukuwento yun. Pero nakikita ko naman na maligaya siya, for a friend, di ba, kaibigan kami.

“Kapag nakita niyo pong masaya ang inyong kaibigan, hindi ba kayo magiging masaya?

“Dapat maging masaya din kayo.

“So, as long as she’s happy and I can see that she’s happy, I’m so happy for her, enormously.

“Kasi kapag happy ang nanay ng mga anak ko, so ibig sabihin happy din yung mga anak ko. Yun.

“So, mas magiging… kasi ang magiging problema niya, of course, problema ko rin yun.

“So, my prayer always, kasama sa prayer ko palagi si Sunshine, I always tell her that.

“So, of course, pini-pray ko yung mga anak ko. At mga nanay ng mga anak ko.

“To be safe and secured always, and to prosper her, always. Yan. Yan ang palaging prayer ko.

“Every day po yan, every day po yan, totoo po yan.”

CONTINUE READING BELOW ↓

Cesar Montano during his interview with Julius Babao in his YouTube vlog. 
Photo/s: Courtesy: Julius Babao UNPLUGGED on YouTube

CESAR MONTANO SAYS ATONG IS A FRIEND FROM WAY BACK

Ayon kay Cesar, matagal na niyang kakilala si Atong Ang.

ADVERTISEMENT – CONTINUE READING BELOW ↓

“Matagal ko nang kakilala yan. Nagkakantahan pa kami sa Bellissimo niyan, e,” pagtukoy niya sa dating pag-aaring Italian restaurant na matatagpuan sa Scout Rallos, Quezon City.

Mula nang nabalitaan niyang sina Sunshine at Atong, nagkita na ba sila ng negosyante?

Tugon niya, “Oo, nagkita na kami, birthday ng anak ko. Pero hindi na siya nag-stay, umalis na siya.”

Nagkausap ba sila?

“Oo, nagkausap, pero very, very brief. Very brief lang. Oo.”

Wala bang ilangang nangyari?

Pabirong sagot ni Cesar, “Wala. Di naman kami nagbeso-beso, wala na.

“Hinihintay ko nga magbeso-beso kami, pero at least umiwas na siya.

“Joke lang, joke lang.”

Ang importante raw ay masaya siya para sa dalawa.

Giit ni Cesar, “Oo, of course. Oo.”

SUNSHINE-ATONG SIGHTINGS

Sa pamamagitan ng Instagram Stories noong March 14, 2025, ipinost ni Sunshine ang sweet picture nila ni Atong.

ADVERTISEMENT – CONTINUE READING BELOW ↓

Sakay ng isang helicopter sina Sunshine at Atong na nakangiti at magkatabi nang kunan ang litrato.

Walang inilagay na kahit anong caption dito si Sunshine pero mapapansin ang pagiging komportable at malapit nila sa isa’t isa ni Atong.

Iyon ang kauna-unahang pagkakataong nag-post si Sunshine ng larawan niya kasama si Atong.

Nangyari ito tatlong buwan mula nang maispatan nang ilang beses ang dalawa na sweet habang magkasama sa private events.

Noong December 17, 2024, umugong ang usap-usapang may relasyon ang dalawa nang kumalat sa social media ang kuhang video nina Sunshine at Atong na magkahalikan sa isang cockpit arena.

Nasundan pa ito nang maispatan muli ang dalawa na magkasamang dumalo sa kasal ng isang malapit na kaibigan ni Atong.

Noong December 19, 2024, kinumpirma ni Atong sa Bilyonaryo News Channel ang relasyon nila ni Sunshine.

Ang huling nakarelasyon ni Sunshine ay si Macky Mathay.

ADVERTISEMENT – CONTINUE READING BELOW ↓

Si Atong ay naugnay naman sa dating aktres na si Gretchen Barretto.

Si Cesar naman ay masaya na sa kanyang non-showbiz relationship kay Socorro “Kath” Angeles.