Trending ngayon sa social media ang Kapamilya actress-singer na si Janella Salvador.
Ito’y matapos masangkot ang kanyang pangalan sa hiwalayan ng Kapuso actress na si Klea Pineda at ng Internet personality na si Katrice Kierulf.
Sa Fast Talk with Boy Abunda noong Biyernes, July 18, 2025, inamin ni Klea na nagwakas na ang mahigit tatlong taon nilang same-sex relationship ni Katrice.
Paliwanag ni Klea, hindi na nila natutulungan ni Katrice ang isa’t isa kaya nagdesisyon silang maghiwalay, isang buwan pa lamang daw ang nakararaan.
Lahad ng Kapuso actress: “May kanya-kanya kaming priorities.
“Mutual decision yung nangyari, mutual yung breakup namin.
“And umabot na kami sa point na gusto niyang unahin yung sarili niya. Gusto ko rin naman unahin yung sarili ko this time, piliin yung sarili ko this time.
“And na-realize namin na hindi na kami nakakatulong sa isa’t isa. Parang pinu-pull down na lang namin yung isa’t isa.
ADVERTISEMENT – CONTINUE READING BELOW ↓
“Parang umabot kami sa ganoong point.”
Sa nasabing panayam ay natanong din kay Klea ang dahilan ng kanilang paghihiwalay.
Bago kasi ang pagsalang ni Klea sa Fast Talk With Boy Abunda ay may ilang makakahulugang reposts na sa TikTok si Katrice patungkol sa “cheating” o panloloko.
Diretsahang sinabi ni Klea na hindi siya kailanman nagtaksil kay Katrice.
Saad niya, “Sobrang proud akong sabihin yon na no. Hindi ko kayang gawin yon kay Kat.
“Kasi masyado kong mahal si Kat… so no.”
“No” rin ang sagot ni Klea nang tanungin ng host na si Boy Abunda kung nag-cheat sa kanya si Katrice.
Janella Salvador accused of being A third party
Bagamat itinanggi ni Klea na may panloloko o pagtataksil sa relasyon nila ni Katrice, marami pa ring netizens ang hindi kumbinsido.
Lalo na nang mag-viral sa Facebook ang screenshots ng pagla-like ni Katrice sa magkakasunod na comments ng followers niyang pilit humihingi ng kumpirmasyon tungkol sa dahilan ng hiwalayan nila ni Klea.
CONTINUE READING BELOW ↓
Dustin Yu after PBB Collab: “Hopefully, mas maraming opportunities…” | PEP Interviews #shorts
Dito na nadawit ang pangalan ni Janella, na itinuturong third party umano sa hiwalayan nina Klea at Katrice.
Isang netizen ang nagkomento sa isang TikTok video ni Katrice noong July 19 o isang araw matapos kumpirmahin ni Klea sa national television na hiwalay na sila.
“Follow na kita kase wala na yung cheater,” komento ng netizen.
Hindi ito nireplayan ni Katrice ngunit kapansin-pansin ang pagla-like niya rito.
Isa pang netizen ang nagtanong, “Si Janella S. po ba?”
Hindi rin ito nireplayan ni Katrice pero ni-like din niya ito.
Sumunod na ni-like ng dating nobya ni Klea ang komento ng netizen na, “Once you like it Katkat, then confirm na si JS nga yung other party.”
Photo/s: Screengrab on Facebook
ADVERTISEMENT – CONTINUE READING BELOW ↓
Sabi pa ng isang netizen, “Mom is this fr [for real] Janella? Please don’t make us delusionals?”
Photo/s: Screengrab on Facebook
Saad pa ng isa sa comments section, “Grabe naman yung disrespectful kay Ate Kat. She denied it pa talaga sa media and that’s the worst part huhu. Go, Ate Kat, hugs.”
ADVERTISEMENT – CONTINUE READING BELOW ↓
Photo/s: Screengrab on Facebook
Pagbabahagi naman ng isa, “Nakita ko si Janella and Klea last week sa BGC. I thought friends lang sila kasi wala pa namang issue about sa break up nila.”
Hindi rin ito pinalampas ni Katrice dahil sunud-sunod niya itong pinagla-like.
Photo/s: Screengrab on Facebook
ADVERTISEMENT – CONTINUE READING BELOW ↓
Hinala ng netizens, nagkapalagayan ng loob sina Janella at Klea nang magkasama sila sa upcoming Cinemalaya film na Open Endings.
Kasama nila sa cast si Jasmine Curtis-Smith at ang OPM singer na si Leanne Mamonong.
(L-R) Janella Salvador, Klea Pineda, Leanne Mamonong, and Jasmine Curtis-Smith.
Photo/s: Sparkle GMA Artist Center on Facebook
ADVERTISEMENT – CONTINUE READING BELOW ↓
Bukas si Janella sa pagsasabing suportado niya ang LGBTQIA+ (lesbian, gay, bisexual, transgender, queer, intersex, asexual) community.
Ito rin ang isa sa dahilan kung bakit makailang beses na siyang naiisyung isa siyang bisexual, ngunit kailanman ay wala siyang pag-amin tungkol sa kanyang sexual orientation.
Read: Janella Salvador, Jane de Leon on GL series possibility
Samantala, habang isinusulat ang artikulong ito ay wala pang kumpirmasyon kung ano ang dahilan ng hiwalayan nina Klea at Katrice.
Kaugnay nito, pinadalhan ng PEP.ph (Philippine Entertainment Portal) ng mensahe sina Janella at Katrice via Instagram direct message para hingin ang kanilang panig tungkol dito.
Kaagad naming ilalathala ang anumang sagot na makukuha namin mula sa kanila.
