Barbie and Jameson fuel dating rumors after being spotted holding hands.
Barbie Forteza on her relationship with Jameson Blake: “We are not together.”
PHOTO/S: Screengrab GMA Public Affairs on YouTube/Jameson Blake on Instagram
Tinuldukan na ng Kapuso actress na si Barbie Forteza ang lumalabas na espekulasyon sa estado ng relasyon nila ng Kapamilya actor na si Jameson Blake.
Mariing itinanggi ng aktres na may espesyal silang relasyon ni Jameson.
Ito’y matapos silang maispatang magka-holding hands sa isang fun run sa Pampanga, noong June 29.
Hindi ikinaila ni Barbie na naging malapit niyang kaibigan si Jameson makaraan nilang magkasama sa upcoming Netflix movie na Kontrabida Academy.
Pahayag ng aktres sa panayam ni Nelson Canlas ng 24 Oras nitong Huwebes, July 11, 2025: “Actually, medyo marami ngang na-confuse kasi paano nga naman nagkrus ang landas namin.
“Pero yun nga, nagkasama kami sa pelikula.”
Paglilinaw ni Barbie, wala silang romantikong relasyon ni Jameson.
Nagkataon lang daw na nagkakasama at nagkakasundo sila sa pagtakbo o di naman kaya’y iniimbitahan daw nila ang isa’t isa kung mayroon silang fun run na dadaluhan.
ADVERTISEMENT – CONTINUE READING BELOW ↓
Gaya na lamang noong nakunan sila ng litratong magka-holding hands.
Saad ni Barbie, “Ito namang recent run namin, siya [Jameson] naman yung nag-invite.
“Just like how other my runner friends invite me to run, yun lang yon. Yun lang talaga yon.”
Diin pa niya, “[Pero] we are not together.”
Jameson Blake and Barbie Forteza spotted holding hands during Cabalen Half Marathon last June 29, 2025.
Photo/s: Facebook
CONTINUE READING BELOW ↓
Wreaths from celebrities and politicians at Lolit Solis’s wake | PEP Hot Story
Sundot ni Nelson, “We run together but we’re not together.”
Natatawa man ay mabilis itong sinang-ayunan ni Barbie.
Aniya, “Yan, ganyan.”
Jameson Clears Up Dating Rumors with Barbie
Samantala, bago pa man mangyari ang panayam ni Barbie sa 24 Oras ay nauna nang itinanggi ni Jameson ang haka-hakang nobya niya ang Kapuso A-lister.
Sa Showbiz Update vlog ni Ogie Diaz sa YouTube noong July 4, nagpaliwanag si Jameson kung paano humantong sa holding hands ang eksena nila ni Barbie sa fun run.
Saad niya, “Honestly, we are not together.
“The reason why nahuli kami holding hands kasi ang daming tao nung nagpa-picture sa kanya.
“I was just assisting her palabas. Gets ko naman people will think different. Haha.”
Dahil daw sa dami ng tao sa event, umakto raw siyang crowd control ng Kapuso star.
ADVERTISEMENT – CONTINUE READING BELOW ↓
Ani Jameson, “Kumbaga, crowd control ako that time. Inaalalayan ko lang si Barbie.”
