Daniel’s song adlib sparks buzz amid Kathryn-Mark dating rumors
Netizen: “…si Kath may kasamang Mark na ngayon.”
Netizens believe that Daniel Padilla (left) is aware of the dating rumors involving his ex-girlfriend Kathryn Bernardo and Lucena Mayor Mark Alcala (right).
PHOTO/S: Khryzztine Joy Baylon/ Kathryn Bernardo/Mark Alcala on Instagram
Usap-usapan ngayon sa social media ang pag-a-adlib ng Kapamilya actor na si Daniel Padilla habang inaawit ang kantang “Hanggang Kailan” ng bandang Orange and Lemons.
Nitong Huwebes, July 10, 2025, kumalat online ang video ni Daniel habang kumakanta sa ginanap na thanksgiving party ng teleseryeng Incognito.
Sa video, makikita ang aktor na nasa entablado at kalmadong kinakanta ang verse one, pre-chorus, at chorus ng kantang “Hanggang Kailan” habang sinasabayan siya ng audience.
Daniel Padilla serenades fans during an Incognito thanksgiving party.
Photo/s: Screengrab @pusongkahel_djp on TikTok
ADVERTISEMENT – CONTINUE READING BELOW ↓
Pagdating sa second verse ng kanta, nagbago ang gawi ng pagkanta ni Daniel nang mag-adlib siya.
Mula sa orihinal na lyrics na:
‘Di mapigilang mag-isip
Na baka sa tagal
Mahulog ang loob mo sa iba
Nakakabalisa, knock on wood, ‘wag naman sana.
Ginawa ito ni Daniel na:
Di mapigilang mag-isip
Na baka sa tagal
Mahulog ang loob mo sa iba… Congrats.
Ano nga yon? Nakakabalisa, knock on wood, ‘wag naman sana.
Is this Daniel’s message to ex Kathryn Bernardo?
Mabilis na kumalat at pinag-usapan online ang video na ito ni Daniel.
Maraming haka-haka ang naglutangang parinig na mensahe umano ito ng aktor sa ex-girlfriend niyang si Kathryn Bernardo.
Saad ng isang netizen sa TikTok (published as is), “Relapse malala. Napa-congrats na lang e.”
Sabi ng isa (published as is), “Ang sakit na habang si Daniel nagrerelapse pa si Kathryn inlove na.”
CONTINUE READING BELOW ↓
PEP Pop Quiz… LIVE! Highlights
Hirit pa ng isa, “Daniel ‘nagrerelapse’ Padilla. Grabe na ang pagka-miss kay Kathryn.”
Dagdag naman ng isa, “literal na mahulog na ang loob sa iba. halatang nagbabasa ng balita si Daniel, timing e, si Kath may kasamang Mark na ngayon.”
KATHRYN’S RUMORED ROMANCE WITH MARK ALCALA
Ang “Mark” na tinutukoy ng netizen ay ang alkalde ng Lucena City na si Mark Alcala.
Matagal nang usap-usapang may lihim na relasyon sina Kathryn at Mark, pero walang pagtanggi o kumpirmasyon mula sa dalawa.
Ganunpaman, malakas ang kutob ng netizens na may espesyal na namamagitan sa dalawa dahil makailang beses silang napabalitang naispatang magkasama o di kaya’y nasa iisang lugar.
Ang huli nilang sighting ay noong July 9, 2025, kunsaan may nakakita sa dalawa na sila’y nasa Ninoy Aquino International Airport (NAIA).
ADVERTISEMENT – CONTINUE READING BELOW ↓
Kapwa may suot na facemask sina Kathryn at Mark para hindi umano agad makilala.
Hindi magkasama ang dalawa pero magkasunod.
Ayon sa netizens na nag-post ng mga larawan at videos, parehong papunta sa Australia sina Kathryn at Mark.
Agad na inusisa ng Cabinet Files ng PEP.ph (Philippine Entertainment Portal) ang ilang sources tungkol dito.
Sa pagsisiyasat, kinumpirma ng Cabinet Files sources na pareho ngang pumunta sa Australia sina Kathryn at Mark, pero magkaiba umano ang kanilang mga destinasyon.
Melbourne bound daw si Kathryn, samantalang patungo naman sa Sydney si Mark.
Hindi naman sinabi ng sources kung magkikita ang dalawa sa Australia.
Halos isang taon na ang nakararaan buhat nang ilabas ng Cabinet Files, noong July 2024, ang balitang isa si Mark sa mga masugid na manliligaw ni Kathryn, makaraan niyang mahiwalay kay Daniel.
Pero walang inamin o itinanggi ang alkalde ng Lucena City nang makausap siya ng Cabinet Files noong March 2025.
