Barbie Forteza evades questions about lovelife

Barbie Forteza: “I am overwhelmed with gratitude.”

Kapuso actress Barbie Forteza not comfortable talking about past relationship: “I’m so sorry but I prefer not to talk about it to respect the relationship… Pero, I’m very happy right now.”
PHOTO/S: Arniel C. Serato

Todo-iwas si Barbie Forteza sa mga katanungang may kaugnayan sa ex-boyfriend niyang si Jak Roberto.

Sa media conference ng bago niyang teleseryeng Beauty Empire ngayong Martes ng hapon, June 17, 2025, napansin ng mga dumalong press na hinusayan nang husto ng Kapuso actress ang pagsagot sa mga tanong tungkol sa dating relasyon at nakarelasyon.

Una munang nilinaw ni Barbie na prayoridad niya ngayon ang kanyang sarili.

Saad niya: “Oo, naman. Palagi naman po.

“Palagi ko naman pong pinapaalala yan kasi bago pa po yan sabihin sa amin ni Miss Ruffa, sinasabi na po yan sa akin ng pamilya ko, ate ko, tapos ng mama ko, ganun.”

Ang tinutukoy ni Barbie ay ang ibinigay na payo sa kanila ng kanyang co-star sa Beauty Empire na si Ruffa Gutierrez.

Sa paanong paraan niya ito ginagawa?

Sagot ni Barbie: “Sa mga bagay-bagay… wala na kasi akong… wala namang iba, ako lang, e.

ADVERTISEMENT – CONTINUE READING BELOW ↓

“Wala namang iba, so ako na lang.”

Naka-move on na ba siya?

“Saan?” patanong ding sagot niya.

“Sa breakup,” paglilinaw ng press.

“I am very happy. I am very happy,” paulit-ulit na sabi ni Barbie.

Sa puntong ito ay humingi ng dispensa si Barbie na hindi na siya magsasalita ukol sa isyu

Magalang niyang sabi: “Oh, I’m so sorry, but I prefer not to talk about it to respect the relationship…

“Pero, I’m very happy right now.”

Nakausap ng PEP.ph (Philippine Entertainment Portal) at ilan pang media si Barbie sa grand presscon ng Beauty Empire sa Studio 7 ng GMA Network kaninang hapon.

Ang Beauty Empire ay pinagtulungang i-produce ng GMA Network, Viu Philippines, at CreaZion Studios.

Mapapanood ito sa GMA Prime simula sa July 7, 9:35 ng gabi.

Nagsimula naman itong mapanood sa streaming platform na Viu kagabi, June 16.

CONTINUE READING BELOW ↓

NOOD KA MUNA!

Barbie Forteza together with the cast of Beauty Empire, the upcoming primetime series of GMA Network, Viu Philippines, and CreaZion Studios. 
Photo/s: Arniel Serato

BARBIE FORTEZA THANKFUL FOR ALL THE BLESSINGS

Kahit may dagok sa lovelife si Barbie, masaya naman daw siya sa dami ng blessings na dumarating sa kanya ngayong 2025.

ADVERTISEMENT – CONTINUE READING BELOW ↓

Aniya, “Ano ako, sobrang saya. I am overwhelmed with gratitude and I’m so happy to see you all again.”

Bakit nga ba siya sobrang masaya ngayon?

Paliwanag ng aktres: “I have a horror film coming up, P77. It will be shown on… just a day before my birthday [July 30].

“And now I have a show, Beauty Empire, with Kyline Alcantara and Miss Ruffa Gutierrez.

“I will also have another movie coming up, Kontrabida Academy, on Netflix. This July din po yan.

“So, I have a lot of things going on and my birthday is also coming up.

“So, grabe, napaka… hindi pa nagbi-birthday ang dami nang regalo agad.”