“But when I opened my eyes, I realized I was alive…” explains Vishwash Kumar Ramesh when he tells the media how he got out of the plane that crashed in Ahmedabad, India. The tragedy happened on June 12, 2025. Right photo shows Ramesh, in bloodstained t-shirt, walking away from the crash site.
PHOTO/S: DD India / YouTube
Palaisipan sa marami kung paano nakaligtas mula sa plane crash sa India ang British national na si Vishwash Kumar Ramesh.
Dahil dito, tinawag na milagro o himala ang pagkakaligtas ni Ramesh.
Isang malagim na trahedya ang naganap nang bumagsak ang Boeing 787-8 Dreamliner ng Air India sa residential area ng Ahmedabad noong June 12, 2025.
Si Ramesh, 40, na may lahing Indian, ay bumisita sa kanyang pamilya sa India.
Pabalik na sana siya sa London sakay ng eroplano. Kasama rin niya ang kapatid na nakaupo sa ibang row.
Subalit wala pang isang minuto matapos makalipad ng commercial plane, bumagsak ito at sumabog.
Sa 242 pasahero at flight crew na sakay ng eroplano, tanging si Ramesh lamang ang nakaligtas.
Bukod pa sa 241 na nasawi, may mga namatay at sugatan dahil bumagsak ang eroplano sa BJ Medical College and Hospital hostel.
ADVERTISEMENT – CONTINUE READING BELOW ↓
MIRACLE LONE SURVIVOR SPEAKS UP
Kahit ang news media outlets, hindi maitago ang pagkamangha sa himalang pagkakaligtas ni Ramesh.
“It just doesn’t seem possible,” bungad ng British news outlet na Sky News sa report nito ukol kay Ramesh.
Tinawag namang “incredibly surprising” ng CNN safety analyst, na isa ring dating US Federal Aviation Administration safety inspector, ang pagkakaligtas ni Ramesh.
Nakagugulat din ang sinabi ni Dr. Rajnish Patel na tumingin kay Ramesh at sinabing hindi kritikal ang tinamong mga sugat ni Ramesh mula sa plane crash.
Lumabas pa ang video kay Ramesh na naglalakad palayo sa crash site. Bukod sa duguang damit at ilang sugat, halatang wala itong major injury.
Nagsalita si Ramesh tungkol sa milagro niyang pagkakaligtas. Maging siya, di rin makapaniwala na nabuhay siya.
“I don’t believe how I survived. For some time I thought I was also going to die,” paliwanag niya in Hindi sa DD News, isang Indian media outlet.
CONTINUE READING BELOW ↓
NOOD KA MUNA!
“But when I opened my eyes, I realized I was alive, and I tried to unbuckle myself from the seat and escape from where I could.”
Sa report, binanggit na nakalabas si Ramesh mula sa nasirang emergency exit. Nakaupo siya sa seat 11A.
Sa kanyang pahayag, nabigyang linaw ni Ramesh kung paano siya nakaligtas.
“The side of the plane I was in, landed on the ground, and I could see that there was space outside the aircraft. So when my door broke, I tried to escape through it and I did.”
Inilarawan din niya ang kalagayan ang kabilang side ng eroplano.
“The opposite side of the aircraft was blocked by the building wall, so nobody could have come out of there.”
Kuwento pa niya, noong nasa himpapawid na ang eroplano tila pansumandaling tumigil ito, at sumindi ang mga ilaw.
Naramdaman daw niyang umandar ang makina pero ang sumunod na nangyari ay bumagsak na ito.
ADVERTISEMENT – CONTINUE READING BELOW ↓
Sa English interview kay Ramesh ng DD India, sister channel ng DD News, may dagdag na paliwanag ang survivor.
Sinabi nitong hindi na niya kinailangang buksan ang emergency doors.
Sabi niya, “Emergency door’s broken. My seat is broken. Then I will try to come out.”
Sinabi nitong nasusunog na ang eroplano bago pa siya nakalabas.
“Little bit of fire. After I come out, then blast.”
Hindi raw siya tumalon mula sa eroplano. “I just walked out in it. Then ambulance coming in.”
THAI SINGER-ACTOR RELATES SURVIVAL STORY WITH RAMESH
Pinag-usapan din ang kinauupuan ni Ramesh sa eroplano na seat 11A, at kung may kaugnayan ba ito sa kanyang pagkakaligtas.
Ang puwesto kasi niya ay malapit sa emergency exit. Maging ang ibang headlines, may banggit na “miraculous” ang kinauupuan ni Ramesh.
Lalo namang tumibay ang hinala at paniniwala ng iba na may kinalaman nga ang puwesto ni Ramesh matapos mag-post ang isang Thai singer-actor na survivor din ng plane crash.
ADVERTISEMENT – CONTINUE READING BELOW ↓
Nag-post ang Thai celebrity na si James Ruangsak Loychusak nitong June 13, 2025.
Si Loychusak ay survivor ng plane crash noong December 11, 1998.
Bumagsak ang sinasakyan nilang Thai Airways flight TG261 sa swamp sa Southern Thailand.
Sa 146 na sakay ng eroplano, 101 katao ang nasawi, at 45 ang naging kritikal at sugatan.
Ang nakagugulat pa sa rebelasyon ni Loychusak, pareho sila ng puwesto ni Ramesh sa eroplano, sa seat 11A. Malapit din siya sa emergency exit.
“Survivor of a plane crash in India. He sat in the same seat as me. 11A,” post sa Facebook ng Thai actor nitong June 13, 2025.
“Goosebumps,” dagdag pa niya, at nakiramay sa mga naiwang ng mga pumanaw sa plane crash sa India.
